معنـــــــــات الغــــــــــــرام !!!!!!!!!!!!

( بســــم الله الرحمــــن الرحيــــــــم )


(( معنـــــــات الغــــــرام ))


كل ماجيت اكتب الخط واعطيه الطروش

خفة من هرجة عدوًًًٌُ يحـــب الوشوشه

حبنـــا حباً على ساس مهوب امغشوش

يوم بعض الناس حب الهواتف مبلشه

يزعج العربان لو كان مايقدر ينوش

يحسباً الحب ضحكة لسان وفرفشــــة

يم خزرني بلعبون الوساع ام الرموش

ان فهقت اخلاف خطوه وجاء في ارعشـه

كنـــي اللي شاف خصمه ولايقدر يهوش

ما نتبه له لين طلع سلاحه واربشــه

انقسم قلبي وكنه من الصدر امحشوش

مير ربي رد قلبي محله وانعشـــــه

عنق ريمٍ يلتفتبه من الصوت امخروش

فز قبل تشوف عينه سمع صوت اقرشـــه

فالعيون السود شبه من اعيون الوحوش

والحجاج اسود وكنه بكحله ينقشـــــه

والشفايف كنها الورد فالوجه البشوش

من بياضه لو ينوش الاصابع تمخشــــــه

ما تسمع في الاغاني ولا افلام الدشوش

ولا تمشى بين راعي الذهب والاقمشـــــه

لو اشوفه مقبل لي وحظي له يحــوش

والله اني لا ازرع الدرب ورد ولا افرشــــه









[تم تعديل الموضوع من قبل شديد الرياحي بتاريخ 09-21-2001 الساعة 02:14 AM]

مرحبا ومسهلا

صح لسانك

شاعر محاوره ونظم

وهذي فال طيب من شاعر قوي

تقبل تحياتي


خوي المطاليق

شديّد الرياحي حي الشاعر

وحي فنون الرياحي يامرحبابك


وألف ماتكفيك .. صح الله لسانك


لك الأحترام

ارررررررحب ياشديد الرياحي ..


صح لسانك على هذي القصيده الجميله ..


وما هيب اللي تكفي منك نبغي منك اكثر شاعر بحر واكيد الرصيد متوفر فيه الكثير والكثير ...


في الانتظار ..


اخوك /// ابو مهدي

هلا ومرحبا



الاخ شديد الرياحي


ابدعت والله ............. الله يعطيك العافيه


كل ماجيت اكتب الخط واعطيه الطروش


خفت من هرجة عدوا" يحب الوشوشه


حبنا حبا" على ساس ماهو بمغشوش


يوم بعض الناس حب الهواتف مشغله


رائعه............ صح لسانك


تقبل ودي


الشامخ

ألف ألف شكــــر لا اخوانـــــي وازمــلاي اعضاء هذا المنتدى الرايع والاكثر من رايع ....

ويسعدني ان اسمع هذه الردود الطيبه واشكركم ولا هي غريبه على كل طيب ..

وان شاء الله المحبه دائمه ومتواصله على التقدير والوفـــاء ,,,,
ولكــــم جزيل الشكر ,,,,,,

وان شاء الله اعدكم بالمـــزيد في اقرب وقـــت ,,,
اخوكـــم شديــــد الرياحـــــي ..........

يا سلام عليك يا شديّد


جزل ولايجي منك الا جزل




صح لسانك ملايين




اقول

ما تقدر تحاول في ابومشاري يجي للمنتدى



اخوك زايد الرويس

مرحبا والله بالشاعر الأنيق ((( شديد الرياحي )))
في الحقيقه كنت احسب انك شاعر محاوره فقط . ولكن ماشاء الله اليوم رأيت لك قصيدة نظم في مستوى ابداع شديد.

هذي ماتكفي يالرياحي
لازم تزيدنا

تقبل تحيات اختك فتنه




.
[تم تعديل الموضوع من قبل فتنه بتاريخ 09-21-2001 الساعة 04:02 AM]

شاعرنا الكبير ... شديد الراحي

اولا ارحب بك مع اخوانك في منتدى الطيبين (النداوي)
ثانيا
الثناء لك على قصيده ليس بالشئ الجديد
فأنت الشاعر الفحل والذي اثبت جدارته من خلال جميع المحافل
واثبت مقارعته لأكبر الشعراء .
ليسعنى ان نفيك ما انت اهل له
انما نقول
هل من مزيد يا( أبو فهد)

تقبل خالص ودي

شايع العيافي

الله الله

ابداع و روووووووووووعة


صح لسانك


وبيض الله وجهك


وتقبل تحياتي

شكرا على هذا الأبداع
الجقيقه ياشديد الرياحي انك مكسب للمنتدى
فأنت شاعر نظم
وشاعر محاوره
ورجل على قدر من الأخلاق وحسن التعامل

شكرا لك على القصيده

الغازي

ارررررررررررررررررررحب يا بو فهد

مرحبا ملايين في متديات النداوي بين اخوانك واخواتك الشعراء والشاعرات .

قصيدة تستحق التأمل وخصوصا ان قافيتها فريده لايجيدها الا القادرين على ذلك امثال شديد الرياحي .

تحياتي

إيـــــــــــــه يابو فهد ، طلع الذهب

وين كنت مخزنه ياخوي ، صح لسانك والله وتراني خابر غيرها كنوز

تجيبها ولا !!!!!!!


صح والله لسانك يابو فهد


تحياتي

حبنـــا حباً على ساس مهوب امغشوش

يوم بعض الناس حب الهواتف مبلشه

يزعج العربان لو كان مايقدر ينوش

يحسباً الحب ضحكة لسان وفرفشــــة


اخوي ابو فهد....شديد الرياحي


الشعر هو المعنى والمعنى نجده عند شعراء المحاوره بصوره اكبر وانت احد الوجوه التي نرى فيها مستقبل الشعر ...صح الله لسانك وثق اننا لازلنا ننتظر منك المزيد مثلما قال اخي الكبيرابو بدر

وهلابك وغلا.

اخوك/عبدالله بن فلاح الهاجري

ماهوب غريب ماهوب غريب ماهوب غريب ماهوب غريب ماهوب غريب

الغريب الغريب الغريب الغريب الغريب الغريب الغريب الغريب


عدم عدم عدم عدم عدم عدم عدم عدم عدم عدم عدم عدم عدم عدم


تواجد تواجد تواجد تواجد تواجد تواجد تواجد تواجد تواجد

شديد الرياحي من زمان في النداوي هلا والله وغلا يابو فهد وترا هذا كله صدى صوتي من الفرحه بوجودك يالشاعر الراكد المبدع



لك اجمل ترحيبه والف شكر


اخوك/ حسن علي المسعودي