[align=center]
السلام عليكم ورحمة الله وبركاته
يسعد الله مساكم بالخيرر 00وقصيده وجدانيه غزليه 00اقبلوها بكل تواضع ومحبه [/align]
[poem=font="Simplified Arabic,4,#040B58,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ما يجيب الراس غير البنت لا لدت نظرها = تشعل حروب البسوس وتلبس السلم ووسامه
كان في عصر الجهاله قاصر الشوفه قبرها ؟ = لا تزال البنت تقبر قيس وتعزي عمامه
ضعفها قوه غريبه00 والنظر قمة خطرها = تنفرد بالشيخ وترسم دورة الحكم ونظامه
والبطن سبحان ربي ! تقل لاصق في ظهرها = والخدود خدود 00 لكن00 ورد جوري في مدامه
ويش اباخذ ويش اخلي ؟ من هدبها00 من شعرها ؟ = من ظلال الرمش فوق الخد وفوق الخد شامه
دام ماعندي مرايه باتمرى في نحرها = لابس عمامه وراسي طش ابو جد العمامه
والرجل يعشق ويهوى00 قبل ما ييبس خضرها = والجمل لو شفت كبره 00طفل جره من خطامه !
قالوا ان الثقل صنعه 00 قالها اللي ماخبرها = فاتنه بنت الذين تطلق الموت وسهامه
قالت احذر من صيامك تجرحه والزم حذرها = يابعد روحي وربي عاشقك يذبح صيامه
وش حياة الكف كان الكف ما تقطف زهرها = والغشيم يعيش وضاعت رزقته راع الفهامه
والطفل لاعاف لعبه دابله تسبده كسرها = القلم مرفوع نام الليل والا ما ينامه
والغلا بذره00 وربي وسط خفاقي بذرها = وش لميس ووويش يحيا ؟ وش مهند وش غرامه ؟
ما جذبها كل شعري00 كيف شعري ما سحرها ؟ = يوم انا الي ذقت سحره في سلامه وبكلامه
لعنبو ها الوقت ظالم 00حطم عظامي كسرها = كسر الله قلب هذا الوقت وحطم له عظامه
ما ترك حفره بقلبي في يمينه ما حفرها = ما ترك ونه بصدري لين قومها قيامه
ما ترك دمعه بعيني شامخه حتى نثرها = ما ترك قلعه شموخي لين حطمها حطامه
ما ترك بالصدر فرحة عمر بيده ما دمرها = ما ترك با الفم بسمه00ما ترك للراس هامه
ما ترك لي ورده الا جاب يا عالم خبرها = ماترك بالجفن نوم الا و طير لي حمامه
ما ترك با القلب نار ٍ طافيه الا سعرها = ما ترك للحلم شعره00 ماترك للعز قامــــه
يا حبيب القلب يكفي 00خايف أغرق في بحرها = والبلا اني مندفع بالحيل وتدفعني الشهامه
ارمي بقلبي وراها 00والحق انفاسي بثرها = يخرب الحب وزمانه 00 يقطع العشق وهيامه
يقطع سنين الموده 00 والمحبه000 مع شهرها = وش علام الوقت ضدي ؟ دوم ضدي وش علامه ؟
ما ترك لي عين نامت غير وردها سهرها = ما ترك وضح الليالي لين بدلهن جهامـــه
ما كتبت أجمل قصيدي فيك ودموعي مهرها =كيف ؟ وانت الحسن كله جاك خاضع باحترامه!
كيف وانت ألوان طيفك في بياضك مع حمرها ! = كيف وانت الشامخ الي قاصره دونك تهامه? !
كيف وانت الكوكب اللي يقهر الشمس وقمرها! = كيف وانت الشمعه اللي تشعل الليل وظلامه !
كيف وانت الغيمه اللي بلل عروقي مطرها ? ! = يا سلام الله على حبك ذبحني يا سلامــــــــــــه
ذا جزاء اللي مد رجله عن هواهن ماقصرها = والرجل لوهو تحيزم للصبر فكن حزامه[/poem]
وسلامة نواظركم
تعليق