Tweet
اخواني اخواتي اعضاء هذا الصرح الشامخ
اضع بين اياديكم هذه القصيده اللتي اتمنى من خلالها ان اصل الى بعض اعجابكم
[poem=font="Arial,6,#000000,bold,normal" bkcolor="" bkimage="" border="none,4,#400000" type=2 line=1 align=center use=sp num="0,#400000"]
ليه الجفا والهجر ياسيد الاحباب=ان كان فيه اسباب يازين ماهي
وان كان هجرك مالقيتي له اسباب=ارجوك جيبي عذر لو كان واهي
عودي وانا اتقبل مشاريه وعتاب=مادام في قلبي غلاتك كما هي
مادام طيفك داخل القلب ماغاب=وانت اللذي للقلب آمر وناهي
جفني بدمع العين ذارف وصباب=على فراقك وانت ساهي ولاهي
لاقلت ابا اسلى جت هواجيسي اسراب=وقامت تردد نطق اسمك شفاهي
سكنتي بقلبي وقفلّتي الباب=واصبحت في ساكن فؤادي اباهي
هذا اللذي حبه ملا قلبي اعجاب=وهذا اللذي بالزين شد انتباهي
عزالله اني من هوى القلب منصاب=ولا لي سوى اطلب رحمتي من الاهي
اللي عطى العالم بلا قيس وحساب=وفي طاعته تسجد جميع الجباهي [/poem]
حــمــــــود عالـــــــــي المـطــــــــيـري
تعليق