Tweet
السلام عليكم ورحمة الله وبركاته
اسعد الله اوقاتكم بالخير جميعا وتقبلو مني هذه المتواضعه ودمتم بخير وسعاده
[poem=font="Simplified Arabic,4,#080800,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
توي دريت ان العرب مابهم خير = كوره وفن 00وغيرها يفتح الله
وحتى الكره فيها هزايم وتقصير = وصارت اغانيهم كريهه ممله
عند المراقص والغنا والمزامير = هذا يمد الحبل وهذا يتله
صبرى وشاتيلا ومن قبلها الدير = وصمة خزي بوجيهنا مستهله
يامن عليهم دارت الكاس تدوير = غزه تصحي سكرة الكون كله
وخيولنا ما ظنها تقدر تغير = وخيالها خايف يناظر لظله
والدين مابه عسر كله تياسير = صل العصر وان نمت بالنوم صله !!
متى تهد الطير ؟ يا راعي الطير = الطير مات من القهر في محله
طمعتك تفتك بالحجل والعصافير !؟ = عزمك حديد ومحزمك ما تحله
والبوم ركب له جناح ومناقير = والحر الاشقر فيه مليون عله
ماعاد باقي للمسالم معاذير = الدم فاير والحشا فوق مله
اما نجي للقدس صف وطوابير = والا بلاش من الحياه المذله
العذر ما يشبع بطون الخطاطير = والسيف ما يشفي من الغمد غله
وشلون نغزي والسبايا مكاسير ؟ ! = والمنهزم نوم الضحى جايزن له
يا قدس لا ترجين فزعة خواوير = السيف يبكي مالقى من يسله
يا منادي الطرمان في قاعة البير = بحيت صوتك 00 لا تناديه خله
هذي شهادة حق ماهي بتزوير = والخوف ماله دين ومذهب ومله[/poem]
وسلامة قلووبكم 00
تعليق