حيرتنـي والقلـب يا صـاح محتـار
وخليتنـي فـي عالـمك ك طـواري
يـومٍ سفـور الشمـس شرحٍ وسمـار
ويـومٍ يجـي كنـه من الغرب سـاري
حيـرتني مدري وش الـدرب أختـار
تشـابهـت عنـدي يميـن ويســاري
عودتنـي صوتـك يجي لي بالأشعـار
وينسـاب شعـري في حديثـك وأداري
وأقـول يا ليل الشعـر خلـه أسفـار
طـول ومـد الوقـت لا يجي نهـاري
ودي أغـازل نغمــة القـاف سمـار
وأعـزف تلاحيني على نجـم سـاري
شوقي خـذاني في هـوى الليل مشوار
عنـد القمـر ياللـي له القلـب داري
وجـدي على شوفه شفـوقٍ على نـار
ووجـدي علـى وصلـه واكف العباري
ذياب[تم تعديل الموضوع من قبل ذياب بتاريخ 09-17-2001 الساعة 08:54 PM]
تعليق