طيــــب الســــيرة

[align=center]قصيدة تشرفت بإلقاءها على مقام مولاي خادم الحرمين الشريفين


في روضة خريم [/align]





[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=1 align=center use=ex num="0,#400000"]
الديره اللي جعلها الله لنا ديره=تطعم من قلوبنا .. من قبل نطعمها
لا لاح براقها وساقت تباشيره =كنْه يتحضن سماها ويتهيمها
في عرض نو نسيم الطايف يثيره=وتشعاه شم الحجاز وسكبة قممها
وان طاف سودة عسير وقامت تذيره=يطبع على خدها حبه ... ويرزمها
وان كان حدر وزانت له محاديره=يقبل على نجد ويضيق مناسمها
تصبح بعد ما يكفكف وبله مخيره=يرعون بدوانها زوفة نعايمها
ديرة زعيم العروبه طيب السيره=حمّاي حرمة بيوت الله وخادمها
اللي ليا وقف تسوقه صعاطيره =لاجس متن القضية جاب قادمها
وان كبر رأس العدو وأرسل مناذيره =يكوي علابيه لين يشيط ميسمها
من رأس عود يحير الجمع ويديره =لاقام له قومة ٍ .. ما احدٍ بقايمها
جاء من وراء الحد الاقصى يشعب بعيره =مع أربعين على الهجن ... يتقدمها
عشرين عام ونجد تدير تفكيره =الين قرب يخاشرها معالمها
ساقه لها الدين والتاريخ والغيره =ولا رضت غيره من الناس .. يحكمها
سطر على ترابها اعظم اساطيره =وحدودها جمع أشلاها ورسمها
واليوم يحيا لنا اللي ننعم بخيره =بو متعب اللي مخاليبه يدسمها
فرض على الشعب تبجيله وتقديره =بالطيبه اللي محبتنا غنايمها
لا مر في شارع كثروا جماهيره =شوفتْه تكفي عن اقضيّا لوازمها
بنك الظفر كان للظفران تسعيره =لا غليت اسعارها جاها يحطمها
أصدق من سهيل في هرجه وتبريره =الكلمه اللي يبديها يوسّمها
تقفي مجاهيمه وتقبل مغاتيره =في ساعة يستبيح البنت محرمها
يقدم على قداه ما يحسب مخاسيره =ويقطع يمين النوايب ما يساومها
لبببببى هذاك الجبين اللي تعابيره =تكتب أمان القلوب ويرفع قيمها
كنه عن صدوف بقعا يعطي الجيره =ترضخ تحت سطوته لين يتخدمها
كريم كن الكرم يجذب مساييره=تقلط عليه اللحى العطره .. ويكرمها
بحر الندى اللي ترسي به بوابيره =في كل يوم تعجب من تزاحمها
وحنا رجاله .. تحت امره وتدبيره=ننطح وجيه العدا بأمره ونكعمها
نبدأ بتهليله ونختم بتكبيره =زحول حرب يسير الموت في دمها
يوم السعد يومنا وغنا لنا طيره =عاد العدو يبني احلامه ويهدمها
اليا زهمنا الوطن كل على طيره =لا عزت أرواحنا وشلون نرحمها
لين الكبيره تحول عندنا اصغيره =والعاصيه قبل شب الطوق .. نشكمها
ابقدرة اللي يسخرنا بتسخيره =يضرب بنا الأرض وندوّم بظالمها
وبقيادة إمامنا اللي ما نبي غيره =صقر العروبه وقايدها وملهمها
مقدم اهل المكارم طيب السيره =حمّاي حرمة بيوت الله ... وخاااااادمها [/poem]

كفو ياعوض وبيض الله وجهك ..

كفيت ووفيت وقلت اللي يقوله خواطرنا كلنا ..

قصيدة راقية حبك وسبك وطيب معنى .. لاهنت بابن شفلوت ..

تشرفت بالحضور مبكرا ..

تحياتي ,,,

كفو والله ياعوض

انا اشهد انك كفيت ووفيت
هكذا هم الرجال في المواقف يسدون اللزوم شرواك يا ابن شفلوت
صح لسانك وتقبل اعجابي بما تكتب

اليا زهمنا الوطن كل على طيره =لا عزت أرواحنا وشلون نرحمها
لين الكبيره تحول عندنا اصغيره =والعاصيه قبل شب الطوق .. نشكمها
ابقدرة اللي يسخرنا بتسخيره =يضرب بنا الأرض وندوّم بظالمها

عوض


صح لسانك وصح قلبك

قصيده وافيه ومن راس وزافي

لاهنت ولاهان هذا التجلي


تقبل تحيتي



مشهوووووور.....

بيض الله وجهك اخوي عوض

جزله من جزل وما عليك قصور

ويعطيك العافيه ولاهنت ياقرمـــ

كفو ياعوض وبيض الله وجهك ولاهنت ولاهان حضورك
كفيت ووفيت وقلت اللي يقوله خواطرنا كلنا
قصيدة راقية حبك وسبك وطيب معنى .. لاهنت بابن شفلوت


تحياتي

ابو عبدالرحمن



كفو ياكحيلان


وافيه وأنت وافي وقرم ومشرف



بيض الله وجهك وصح لسانك

صح لسانك
واعتلا شانك
ولا هنت

ابوعبدالرحمن

صح لسانك شاعر فوق الاشادة

لله درك

تقديري

ابو فرااااااااااااس


يا مال الجنه اي والله اني صاااااااااااااااااااادق


صح والله لسانك مليار


ما عاد اقدر اقول شي


لأن مافيه كلمه في الدنيا تقدر توفيك حقك يا الشهم النبيل


صح لسانك لين ترضى

يا سلالام يا سلام

واااااااااافي يا عوض وافي

نص محبوك حبكة شعرية لا يجيدها إلا من تعود عليها

سلمت يمينك ولا هنت

صح لسانك




شاعر لايختلف عليه اثنين



واسلوب راقي

القدير / عوض


صح لساااانك شاعر مبدع وممتع


والله يديم لنا قاداتنا ....


مودتي لك ....

كفو ياعوض وبيض الله وجهك ..

كفيت ووفيت وقلت اللي يقوله خواطرنا كلنا ..

قصيدة راقية حبك وسبك وطيب معنى .. لاهنت بابن شفلوت ..

تشرفت بالحضور مبكرا ..

تحياتي ,,,

ارررررحب يا ناصر


ولا عليك زود .. جعل شيبانك للجنه


تواصلك واشادتك طيب منك


لاخلا ولا عدم



تحياتي

ابو عبدالرحمن



كفو ياكحيلان


وافيه وأنت وافي وقرم ومشرف



بيض الله وجهك وصح لسانك