فارس غلاك

السلام عليكم


عيدكم مبارك


اعذروني على القطاعه والله العالم انه لإنشغالي في احوال الدنيا



هذي جديده متواضعه واتمنى انها تنال على رضاكم








[poem=font="Simplified Arabic,4,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
تعالي يالهبوب اللي تلوفين الضماير لوف = أنا جيت لسنام الشعر متهيّض وشرّفته
تعالي واكشفي خافي السراير والعباد وقوف = ولش مني قصيدٍ ماتهجّيته وحرّفته
ابيش العذر لامني حكيت بما حواه الجوف = عشان آقول باحت بالسدود وخاطري عفته
أنا ربّي رماني في محبة ضامر السرجوف = عشقته والهوى دربٍ جديد ومابعد طفته
يقولون الهوى خوّف شجاعٍ مايعرف الخوف = غرايب ياهوى حتى حريب الخوف خوفته
أنا بمشيك والدنيا تجارب والحياه صدوف = فداوي وانتحاري وأن نطحت الجمع وقّفته
على شان الرموش اللي حاولين العيون صفوف = إلى من شافها راعي السوالف سج سالفته
على شانك يا بو ليلٍ على باقي الجسم مرصوف = أبيع العمر لك من دون ما افكر بتكلفته
جمالك ماتغيّر لو تحلّى في عتيق الصوف = مكانك فالصداره والصحيح تبين معرفته
هويتك وامتلكت اكبر غلا يا أغلا ثلاث حروف = وعطيتك حب من صادق شعوري .. ماتسلفته
تعال وشف غلاك وسم بالرحمن قبل تشوف = لأنه ماتصدقه العيون السود لاشفته
عظيم ومايعبر عن مقامه فلسفه ووصوف = يضيع الحكي كله لو شرحته لك ووصفته
مكانه فالصدر ماشافه الواشي ولا الملقوف = وعدت القلب في حفظه وحلّفني وحلّفته
عليه القلب درع وفوقه الأضلاع حدب سيوف = وانا فارس غلاك اللي مواقيفه مشرّفته[/poem]


وسلامتكم


اخوكم


طالب

ارحب يا طالب ملايين

والعيد علي مبارك

وصح الله السانك ملايين يا جزل


لك ازكي تحيه

مكانه فالصدر ماشافه الواشـي ولا الملقـوف
وعدت القلب فـي حفظـه وحلّفنـي وحلّفتـه
عليه القلب درع وفوقه الأضلاع حدب سيـوف
وانا فارس غـلاك اللـي مواقيفـه مشرّفتـه




وسلامتكم


جعلك سالم وغانم على هالنص الفاره الجمال


وصح لسانك وأعتلا شانك

نص رائع الي أبعد مدى ذو معاني كبيره وجزله


تحياتي

الرائع طالب

كل عيد وانت بخير

وصح الله لسانك

الأستاذ//// طالب ابن الطير

صح لساااااااااااااااااااانك

قصيدة رائعة ومحكمة ياطويل العمر

لاهنت ياطالب على هــ الجمااااااااااااال ..

تحياتي

مرحبا ياسعود


صح بدنك طال عمرك


اسعدني تواجدك


تقبل مني جزيل الشكر

مكانه فالصدر ماشافه الواشـي ولا الملقـوف
وعدت القلب فـي حفظـه وحلّفنـي وحلّفتـه


ياسلام صح لسانك اخي طالب على النص الرائع

الاخ الشاعر / طالب ابن الطير
صح لسانك ولاهنت وافيه
شاعر متمكن وجزل

تحياتي

على شانك يا بو ليلٍ على باقي الجسم مرصوف
أبيع العمر لك مـن دون مـا افكـر بتكلفتـه
:
:
:
طالب انت استاذ هنا

جميل ان تجد سواد الشعر يوصف بعتمة الليل بمايوظف الشاعر ,وتفادي الأرواح دون عاقبة حساب مايجري من اجل من تعشق .

صح لسانك واجدت بماوظفت .

صح لسانك ياطالب

قصيده وشاعر فاخر

مزيد من العطاء والتقدم

وتقبل تحيات بحر

مكانه فالصدر ماشافه الواشـي ولا الملقـوف
وعدت القلب فـي حفظـه وحلّفنـي وحلّفتـه
عليه القلب درع وفوقه الأضلاع حدب سيـوف
وانا فارس غـلاك اللـي مواقيفـه مشرّفتـه




وسلامتكم


جعلك سالم وغانم على هالنص الفاره الجمال


وصح لسانك وأعتلا شانك

نص رائع الي أبعد مدى ذو معاني كبيره وجزله


تحياتي

الجفول ياهلا ومرحبا

صح بدنش ولاهنتي على التواجد الأجمل


تقبلي جزيل الشكر