مقــــــــادير

السلام عليكم ورحمة الله وبركاته وتحياتي للجميع

أولا أبارك لكم بعيد الأضحى المبارك مقدما أعاده الله علينا وعليكم باليمن والبركه وكل عام وانتم بخير...

هذه مشاركه مني متواضعه عسى أن تنال أعجاب الجميع والعذر والسموحه إن كان هناك شئ من القصور:


[poem=font="Simplified Arabic,6,#000000,bold,normal" bkcolor="" bkimage="images/toolbox/backgrounds/27.gif" border="groove,4,#400000" type=2 line=0 align=center use=ex num="0,#400000"]
الله أكبر يامقاديرٍ تحوم=مابقى من ديرةٍ ماجيتها
كن قلبي في قدم رجلي محزوم=كل ماحطت قدم شليتها
جعـل يسـقى لنقضى مني اللزوم=وحجـة ٍ في ذمـتي حجــيتها
وكل ماهـبت على راسـي سموم= زرت مكه واعتمرت أبيتها
مدي ٍ حق الشـريعه و السلوم=والفروض اللي عـلي صليتها
لاشــكيت الحـال لعــيال الرخـوم= ولا فـضت يدي و لا مديتها
أتوطى الارض وعـيني للنجوم= و الـدروب اللي أبي سـجيتها
إن لقـيت الهايفه نفـسي تزوم= و إن لقـيت النايفه ذبيتها
أستحي من شـرهة الناس القروم= أو تشـك بحـاجةٍ سـويتها
و أتحاشى لا تجي بعض العـلوم= بكلمةٍ عـيبٍ علـي لبديتـها
تبـرم الدنيـا علينا كل يوم= ماعـرفنا حـيّها من مـيتها
لا حـياة تدوم و لا عـمرٍ يدوم=مـايدوم إلا بقايا صــيتها
خلقـت الدنيا تبي رجـلٍ عزوم= شارب ٍ من حـلوها وحـلتيتها
والمراجل لو تجي بحب الخشوم=كان أنا أول واحدٍ حبيتها[/poem]

وحبة خشم لك على هذه القصيدة
كلام جزل وهدف سامي
بارك الله فيك يافهد
وصح لسانك وبدنك

كن قلبي في قدم رجلي محزوم
كـل ماحطـت قـدم شليتهـا


كن قلبي في قدم رجلي محزوم
كـل ماحطـت قـدم شليتهـا

الله الله الله الله

يا حلو ذا البيت يا فهد


تبرم الدنيـا علينـا كـل يـوم
ماعرفنـا حيّهـا مـن ميتهـا
لا حياة تدوم و لا عمـرٍ يـدوم
مايـدوم إلا بقايـا صيتـهـا


صدقت يا فهد ما يدوم الابقايا صيتها

استمتعت بكل بيت يا فهد


صح لسانك وصح فكرك

سلمت يمينك وعلا شانك


سجل اعجابي

تحياتي لك ..

فهد


بكل صدق


انت مبدع

فهد

صح السااانك

قصيده جزله من شاعر جزل

تقبل تحياااتى

صح لسانك يا القرم


نص سكن الحنايا وأستقر بالقلوب والعقول


الله لا يضرك ولله درك


كل عام والجميع بخير ون العايدين الفايزين أن شاء الله


تحياتي

الاخ الشاعر / فهد المري
صح لسانك وصح فكرك

سلمت يمينك وعلا شانك

وكل عام وانت بخير

تحياتي