والله حرام انك موظف حكومه

السلام عليكم ورحمة الله وبركاته .
.
انه ليشرفني التواصل معكم ..
.
[poem=font="Simplified Arabic,5,#000DFF,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ياهيه لاتغلط على شايبن جاك= ماهوب لازم تاخذ اقصى علومه
اما تجمل معه والعلم ينصاك= والا ترا غيرك بيقضي لزومه
وانكان مشروه الرجال ايتعداك= عن الخطاء الشايب ترده اسلومه
سمعه ثقيل ولادراء عن خطاياك= والله حرام انك موظف حكومه
هذا نشاء وقت الشقاء قبل منشاك= وعاش ابخشونه وانت عشت ابنعومه
يمناه تفعل وانت وش فعل يمناك= يوم المطالب فالحياه امعدومه
امعاصرن وقته ودورات الافلاك=هوّه وغارات الدهر في خصومه
والا انت في دنياك يضحك محياك=بخيراً وفير وقل عسى الله يدومه
لو انت راعي طيّبه مانقصناك=الطيب فأهل الطيب تاضح ارسومه
ومادام بعض الهرج بيّن خفاياك=ترا وجيه الطيبين امحشومه
وقتن وقف في صف مثلك وشرواك=واصفوف وافين الخصال امهزومه
.
.[/poem]سلطان بن حمود البقمي

صح لسانك ياسلطان


شاعر غني عن التعريف


ولا هيب غريبه عليك الجزاله والشعور النبيل هذا


تحياتي لك

عز الله انك شاعر ياسلطان ولاقلت الا اللي يبيض وجهك ..

صح لسانك ملايين وهذا القصيد الجزل والا بلاش ..

لاهنت ,,,

اخي الشاعر عبدالرحمن المرخان .
.
تشرفت بحضورك الجميل والاطلاع الواعي .
.
اشكرك .. اخوك سلطان

اخي الشاعر والناقد ناصر نايف الكريزي
.
هلا والله ومسهلا ...
.
أخ ورفيق درب .. واتشرف بتواجدك يابو نايف .
.
اطلاعك يتوج المشاركه لو بدون اي تعليق .

شرفني كثير حضورك ..
.
ولاغرابه منك العلوم الطيبه وانت لها ..
.
اخوووك .
.

سلطان البقمي


اشهد بالله انك شاعر وقرم وجزل ياراعي ذالقصيده


والنوعيه هاذي ياكثرهم لايحترمون كبير ولايستحون من الله ومن خلقه

عساهم فداك وفدا الشايب


تعاملت مع الموقف بكل عقل وحكمه

لاهنت ياسلطان وصح لسانك