الله من قلب ٍ تحدّه طواريه

[poem=font="Arial,7,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
الله من صدرٍ تحده طواريه = على الهجا لوكان مابه قناعه
وقت على الطيّب تسابق بلاويه=شوّش على راسي وزوّد صداعه
الله يسّود وجه( 000 )ويخسيه=الحصني اللي مايكب اللكاعه
اللاش لو بالطيب دايم تماشيه=ماله على فعل الجميل استطاعه
لابد مايجرح شعورك ويوذيه=ويرجع على طبعه يامال القطاعه
عايش على الحيله عسى الله يخزيه=مايدريٍ ان بعض السباعه ضباعه
مشهور في درب الردى والمشاريه=ومجهول في درب النقا والشجاعه
راع الرخامه بينات مواريه=الدنفسه واللسلسه من طباعه
حضه ردي وابليس بالسو يغويه=من حيث ماوجه به ابليس طاعه
مهما نصحته مايفيد النصح فيه=متعّودٍ على الدنس والدناعه
لوهو كفو لمجالس الحق تشكيه=عند الرجال اللي تحل النزاعه
مير الردي تبلش به الله يوديه = بعيد عن شرب الصديق ومتاعه
ودك تحماله بكفك وتعطيه = على اذنه اليسرى وتلوي ذراعه
ثم تتركه طايح يردد عزاويه =ويقوي اعزومه وقلبه رعاعه
اشره على اللي يجتمع فيه ويجيه=لابارك الله فالردي واجتماعه
حتى ايش لو غطت فعوله دواديه ماعاد له ضد الرخامه مناعه
ماهوب حرٍ يرفع الراس طاريه=متحنكٍ على الردى من رضاعه
يمناه ماحازت مدح من يخاويه=وصدره من كنوز الطرايف مجاعه
لكن جنب عنه وابعد حراويه=تخسر سنه لو تستمع فيه ساعه
ولو تنصحه فاول زمانك وتاليه=شين الطبيعه مايخلي طباعه
والله لو بالحال والمال تشريه=انه يبيعك مثل بيع البضاعه
نصيحتي للي نعزه ونغليه=قرب الثعالب ماوراها طماعه[/poem]فهد بن شعلان

فهد بن شعلان

صح السااااانك

قصيده جزله من شاعر جزل

تقبل تحياااتى

أرحب يابوفيصل



يالله صباح خير هامن اللي قاصيك وأنت غيصك بعيد


صح الله لسانك ومن جا على الدرب وطوه الرجاجيل


تحياتي لك

الـلاش لـو بالطـيـب دايــم تماشـيـه
مالـه علـى فعـل الجميـل استطاعـه
لابــد مايـجـرح شـعـورك ويـوذيـه
ويرجع على طبعـه يامـال القطاعـه


فهد


صح لسانك وصح قلبك
الدنيا توري اشكال وعينات من الناس
ربما ينخدع بهم الشخص لكن مايصح الا الصحيح

الطيب يبقى طيب ويتجدد طيبه والردي يبقى ردي ويتجدد رداه

ىهنت ولاهان هذا الحضور


تقبل تحيتي



مشهوووور....

الشاعر فهد
صبااح الشعر والجزاله ياراعي الجززززاله

اترك الردي جعله علينا وعليك نذر
شموخك يجبرك على المرجله ففي هذا النص الدليل القاطع على سموء اخلاقك وعلو نفسك

تقبل مروري يالقررررررررررم


ارق التحاياااااااااااااااااا

فهد
صباحك ورد وشعر
نص كبير من شاعر كبير
والله لايبقي للرديان شريده
صح قلبك
ولك الود

فهد



صح لسانك


والطيب مثلك وشرواك مايندم


مايندم إلا الردي حاشاك والدنيا دروس



بيض الله وجهك والله يحفظك

فهد بن شعلان

الله الله

صح لسانك

قصيده وافيه وجزله من شاعر جزل

سلمت ولاهنت

تحياتي

يهبا
عساه فداك يابوفيصل
ولاقصرت فيه ويستاهل
صح لسانك وبدنك يافهد

ارررررررررحب يافهد



صح الله لسانك


ولافض فوك

الأخ الفاضل فهد ونص غارق بالحكمه

صح لسانك يا البناخي

والله لا يضرك


تحياتي