القـلــب ماباعـكـ على شان تنسـاه ..!؟

/

\

/



القلب ماباعكـ على شـان تنسـاه
لاواحسافه ليـه غبـت ونسيتـه؟

هذا جزا من متعّك فـي عطايـاه
وألا هواك أنسان غيري وهويتـه

كل مابغيت القلب ترجـع وتلقـاه
ماكان يقصّر فيك مهمـا عصيتـه

يجيك قلبي مندفع لك من أقصـاه
لامن بغيته بـأي حاجـه وجيتـه

ماكل شخصن يوصل اللي تمنـاه
وأنت بوجودي توصل اللي بغيتـه

لأجلك خسرت أنسان غالي وذكراه
تهـز قلبـي وأحتـرق لاطريتـه

هـذاك لامنـي تزاعلـت ويـاه
خليت كل النـاس ومريـت بيتـه

عّـزاه لوأنـه نسانـي وعّــزاه
يوم أتصلـت بهاتـفـه ..مالقيـتـه

أيوالله أنه غـاب وقلبـي تحـراه
وأقـول ليتـه مانسانـي وليـتـه

يذكر حبيب ٍ ضاع عمـره بليـاه
ويذكر غلاي وكل شـي ٍ عطيتـه

خليتني أنـدم علـى يـوم فرقـاه
ياليتني بعتـك ورحـت وشريتـه

القلب به همين وكل هـم مقسـاه
عذبنـي الأول والآخـر بكيـتـه

لما عشيـره راح عنّـه وخـلاه
ولما أخذت اللي تبيه .... ونسيته!

فيصل

صح لسانك على القصيده الجزله لاهنت

فيصل

صح لسانك


وبيض الله وجهك

تحياااااتى

لأخ الشاعر فيصل الدالوم


وقصيده فوق مستوى المدح


رائع أخي الفاضل لأبعد مدى


تحياتي

الغالي فيصل




صح الله لسانك


وسلم فكرك وبنانك


ولاهنت



لك تحياتي

يجيك قلبي مندفع لك من أقصـاه
لامن بغيته بـأي حاجـه وجيتـه

ماكل شخصن يوصل اللي تمنـاه
وأنت بوجودي توصل اللي بغيتـه

فيصل


صح لسانك وصح قلبك



تحيتي


مشهوووور.....