بعد غياب ... خذوها بدون تنسيق او تلوين ... منثورة .. كيفما اتفق ..
وكنت قد انسيت او تناسيت الشعر بسببه هو ... وقد دأبت تذكرني به الاشياء من حولي ... حتي علمت انه لن يغيب ابدا ... فهو داخلي اين ما يممت .. فلعله يعود
تقبلوها من محبكم
يا صحيبي عقب ما نسيت.... ليه تجيب طاري
والله ان الروح لو يبط العهد .. ماهي خلية
كلمتك هبت على ذكرى ( ن) تلحفها الذواري
لين عادت من تحت ذر الرماد النار حية
لاتزوّد هاجس المشحون وايهل العباري
وانت لو مالك خبر بالجرح نقظته عليــّه
بعض كلمات المعرّض كنها ضرب الشباري
والعذل والتعزية صعبة لو النية برية
ان عزمت الصبر عن انوار من فيها اماري
خفت من صدي يعرضني دروبٍ خرمسية
قبل كنا مثل شوق الظامي لعين العذاري
وعقبها صرنا مثل بعد الهدى والجاهلية
اتذكرها فرح اطفال تلعب بالاتاري
واتناساها حزن محتــاج وإيــدينه خلــّية
يوم كنا ! وين كنا ! بين مقيال ومساري
وسجةٍ عشنا ! وعانقنا جوانبها الندية
ما ملكنا الوقت .. يوم ايامه الغرا عواري
كود في ملك النفوس اللي نوازعها عذية
وسلامتكم
داهم
تعليق