صوت وصدى

صوت : سعد المهداني

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يابو عوض يا اخوي انا اليوم راجيك=راجيك رجوى المنسجن للفراجي
عزالله إني بالموده مخاويك =خوة غلا ماهي بخوة هراجي
فياخوي أنا والله ماني بناسيك =إنته على راسي مخليك تاجي
إسمع كلامي وإنتبهله وأنا أخيك= إترك طريق اللي طريقه عواجي
إحرص على شخصن يعزك ويغليك= ياقف بصفك بالمطر والعجاجي
فكم واحدن يضحك تحسبه يسليك =يضحك عليك وما وراه إبتهاجي
يمشي معك ون شان وقتك يخليك=ماينفعك لاجاك ضرف ن مفاجي
مادام يلقا بك مصالح مصافيك =وإذا انتهت باعك بسوق الحراجي
فبنشدك عن علمٍ ن ولاهو بخافيك= خابرك تجبر مكْسرات الزجاجي
أشوف لي يا خوي ناسٍ مهاليك= وأشوف لي علمٍ معكر مزاجي
وانشدك رجم طويق هل فيه تشكيك=هل فيه أو ما فيه وين الخراجي
خابر ك حلال العقود الشرابيك = عطني خبرها يا طليق الحجاجي
واطلب عسى يحميني الله ويحميك= ربٍ ن عليم بكربتي وإنفراجي[/poem]


صدى : عبدالله المهداني


[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
يـا مرحبـا وأهليـن والله يحييـك=ترحيبةٍ تكفـي المريـض العلاجـي
كم لي وأنا اراقب مبـادي قوافيـك=وانته تعرف الصاملـه والهجاجـي
اللي على بـدع المثايـل مضريـك=ماني بـلا شـارد ولانـي بلاجـي
أبيـع بيـاع السواليـف واشريـك=اللي نهاجـه مـا يوافـق نهاجـي
مالي مع الرديـان والا الصعاليـك=دربٍ ن وتعـرف خوتـي وابتهاجـي
أحرص على شرواك واللي يحاليـك=اللي على الشـدات ماهـو يناجـي
لا اشتدت الوقفـات ماهـو يخليـك=سيـفٍ ن يعدل مالحقـه انعواجـي
لا يا سعد يا خوي ما أبعد هقاويـك=ترمي بعيـد ولا يجيـك ارتجاجـي
لا كثـرت الهقـوات تبقـا مباديـك=عليا يابن عمـي ولاهـي مراجـي
اعرف مقاصيـدك وفاهـم مغازيـك=واعرف سبب ما سبب الانزعاجـي
لا لا تغـارب شـي ممـن يجافيـك=خله يقفي فـي وسـاع الفجاجـي
امـا تعثـر بيـن هـذي وهاذيـك=وتشوفه يعود على الـروس راجـي
فمن سار في دربه مع الوقت بيجيك=لنه مضيـع مـا معـاه احتجاجـي
وقع الفرود يضيع بين البلاجيـك=لا صارت الوقفات فـوق المحاجـي
لا تنتضـر بيجيـك والا يخلـيـك=جعله مراح مقيط مـا عاد ياجـي
في الضيق تعرف عزوتك من معاديك=والحر يفرق عن طيـور الدجاجـي
فخذها صريحه يابن عمـي وتاتيـك=راعي الردى مالك معـاه احتياجـي
تحتاج للضفران في الضيق تنجيـك=اللـي بظلمـات الليالـي سراجـي
فهذا كلامي والسعـد منـك واليـك=لابـد مـا يصـدم بحـد السياجـي
واختامهـا ياخـوي ربـي يعافيـك=والعلم بان وطالـب الحـق ناجـي[/poem]

حجزززززززززززززز أول

أخوي عبدالله لاهنت وبيض الله وجهك ووجه سعد
مجاراة رائعه تستحقون عليها الثناء

تقبلوا تحيات أخوكم الصغير غريب

عبدالله


صوت وصدى ولا اروع


لاهنت ولاهان هذا الحضور الغالي


تقبل تحيتي


مشهوووور....

الله الله

صوت وصدى من خيرة القصايد


صح اللسانكم ياعبدالله

الغالي عبدالله


بيض الله وجهك وبيض الله وجه عوض


جزاله وحكمه



الله يحفظك

جميع ماوجدته جميل وأبداع

صح لسان قائل الصوت وقائل الصدى

ابو سعود



صوت وصدى ولا اروع وكلام شعار كبار



صح لسانك ولسان سعد لين ترضون



تقبل تحيتي واعجابي المستمر

عزالله جاوبت راعي الصوت
ماشاء الله تبارك الله
صح لسانك ولسانه
ودمتما على العز والطاعة

بيض الله وجهك وبيض الله وجه عوض

صح الساااااانك

جوله من جزل

صح ألسنتكم صوت وصدى ولااروع

عبدالله وعوض لاهنتوا على الابداع

تقديري واحترامي دمتم بخير

أخوي عبدالله لاهنت وبيض الله وجهك ووجه سعد
مجاراة رائعه تستحقون عليها الثناء جميعا

تحياتي

حجزززززززززززززز أول

أخوي عبدالله لاهنت وبيض الله وجهك ووجه سعد
مجاراة رائعه تستحقون عليها الثناء

تقبلوا تحيات أخوكم الصغير غريب

اخوي غريب الشمراني


ارحب الله يحييك ويصح بدنك ولا يهينك على المرور


العذب يا العذب


وبيض الله وجهك


ولك صادق الود والاحترام