الـــمـــعــلــمـــات // و الـــتــــعـــيـــين

اسعد الله جميع اوقاتكم بكل خير

مشاركة في قصيدة اجتماعية حول تعيين المعلمات في المملكة العربية السعوديه

اتمنى ان تنال على القليل من رضاكم


[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
ياناس يـا عشـاق قدحـات الانـوار=يامدعين ٍ بالولا والبطوله
يامن تواعدتوا علـى كثـر الاشـوار=اصـوات تصـدح واليديـن مغلولـه
بدلتـو الـذمـه وطلعـتـو افـكـار=وصار القرار يـدور حـول السيولـه
وش جاب قحط الارض مع شح الامطار=الا الضميـر اللـي مشـى بالعمولـه
يا عاشقين الهـرج خطـاف الانظـار=يـا من اذا مر الوزير اهتفوله
الناس ملـت مـن كثيـرات الاعـذار=ولافيـه شـي ٍ بالسوالـف نطـولـه
بناتـنـا كأنـهـن يطلـبـن ثــار=مابين جيش الوقـت مـدري خيولـه
بعد التخج ينرمـن وسـط الاخطـار=مـا كنهـن بنـات عـز وحمـولـه
عاشن الم واحـلام وامـال واصـرار حتى =انتهـى حلـم الحيـاة بحصولـه
يعني حصـاد علـوم وجنايـة اثمـار=يعنـي فـرح للـدار ترجـف طبولـه
ثم اصطدم واقـع هـل الـدار بالـدار=كن البطاله شخص نرضـي فضولـه
طبعا ً تحـت مفهـوم تنظيـم الادوار=بنت الوزير / مساعده / ناس حولـه
من بعدهن بالـدور مـن دون تختـار=بنـت ٍ ابوهـا مـا خدمهـا وصولـه
صباحها مشوار // والليل مشوار= تضرب طريق الخوف عرضه بطوله
اربع بنـات وسايـق البـاص ثرثـار=واصولهـن تفـرق منابـت اصولـه
صحيح بان العرب تخشى مـن العـار=لكن سمـار الوقـت يشعـب ذلولـه
ونهاية الموضوع في عرض الاخبـار=والمستمـع دمعـة يخالـط ذهـولـه
حادث مروري صار/ واشتبـت النـار=واربـع جنايـز للضريـح محمـولـه [/poem]

عبد الله

صح لسانك قصيدة تحكي الواقع

تحياتي

بدلتـو الـذمـه وطلعـتـو افـكـار
وصار القرار يـدور حـول السيولـه
وش جاب قحط الارض مع شح الامطار
الا الضميـر اللـي مشـى بالعمولـه


عبدالله


صح لسانك وصح قلبك

قصيده واقعيه وتحاكي مشكله يعاني منها الكثير

لاهنت ولاهان هذا الحضور


مشهوووور....

اربع بنـات وسايـق البـاص ثرثـار
واصولهـن تفـرق منابـت اصولـه
صحيح بان العرب تخشى مـن العـار
لكـن سمـار الوقـت يشعـب ذلولـه
ونهاية الموضوع في عرض الاخبـار
والمستمـع دمعـة يخالـط ذهـولـه
حادث مروري صار/ واشتبـت النـار
واربـع جنايـز للضريـح محمـولـه



صح لسانك اخ عبدالله ، قصيدة تشعل الشموع الآفلة حول قضية الشموع(المعلمات) التي بات مصيرهن المحتوم هو الإحتراق ليس لتضيئ للآخرين بل لتنطفئي زهرة شبابهن هدراً ..
ولاحياة لمن تنادي ..


تحياتي,,

نص رائع .. يحاكي واقع مرير

و

للأسف مازال انطفاء الشموع يستمر


ابدعت يالطيب .. بارك الله فيك

لا هنت يا عبدالله


وصح لساااانك حتى ترضى ,,,,


تقبل مروري المتواضع ,,,,

خالص مودتي ,,,,

يا عبدالله


وصح لساااانك


تقبل مروري المتواضع ,,,,

تقبل مودتي ,,,,