.... سيرة بطل ....

بسم الله الرحمن الرحيم

هذة القصيدة اتشرف بأهداءها إلى والدي الشيخ/دخيل الله بن ساير الجابري (حفظه الله)

واتمنى ان تنال على اعجابكم

____ ســــيــــرة بــــــطــــل ____

أفتـخر ياسـاير انك يوم حقـقت المحال
جـبت منهو رافـع الرايـه زعيما للقروم
جبت لاماخبت رجلا لاجلس وسط الرجال
ماحدا يطلع عاى هرجه ويازيـن العلوم
يادخيل الله بنيت الصرح من فوق الجبال
منهو اللي ياصل اللي تاصله وقت اللزوم
فطنة العقال عـال وانت عالً فوق عـال
يكفي انك لامشيت بوسـط دربـك ياقدوم
الحـسـد روح يمينك والحـقـد روح شمال
والرخوم تـهـج عن دربك ولاتـلقـى رخوم
والرجال تـعـز مقدارك وتعطـيلـك مـجـال
انت الاولى بالكلام او عزم من قو العزوم
الشجاعه والـكـرم والطيب لوكـانو عيال
راحوا إيـظـمـون زولك دون مازولك يقوم
يكفي انك لابغيت الشيء لو هو بالخيال
من هـنا منـاك ياتـي لو علـى دق الخشوم
واثق الخطوة صويب الراي لامن طال طال
في حظورك من يـشـوف الناس والله مايلوم
منهم اللي يرتبك ويقول في جنبي تعال
الـقـمر لامـن حـظـر وش فايدة ذيـك الـنجوم
منهو اللي مايحـبـك جـعـل ياتـيـه الخبال
ويـتـدربى بالـشـوارع كـل ساعـاته يـحوم
بك جمال اخلاق يفدى زولـكـم ابنك جمال
لانـصـيـتـك بي هـموم ارجع ومافيني هموم
فدوةً لـك كـل جـد وكـل عـم وكـل خـال
راعـي الحـكـمـه مسـيـس كـل اداب الـسلوم
يالي جهلت ومافهمت اعطيك من علمي مثال
لـو افـتـرضـنـا طحت لاكن ماقدرت انك تقوم
كلن يمر وماحدنً لـقـى على خـاطـرك بـال
دورت لكن مالـقـيت اللي يـجـي بزولك رحوم
ومن بعد هذا جاك منهو بدل احوالك بـحـال
شـالـك هـنـا حـطـك هنـا حتى تـبـينت العلوم
وشهو جوابك للذي ساعدك من بعد النضال
واصبحت من بعده تشيل اكبار واوساع الحجوم
لاتلومني في طرح ابياتي وبكـتـابة مـقـال
في قـرم فـعـله منطـلق من قوم لين اصبح لقوم
لي الفخر في مدح منهو اعتلى فوق الطوال
في وقـت طـيـحـات القـروم ايدوم قرمك ياعزوم
أيسألك لوكنت تسمح بس ابعـطـيلك سـؤال
هـو فيه مـثلـك بالبشر صاطـي على فعله قدوم
لو نفترض موجود مثلك عارف انه بالـمـحـال
بالفـعل ماتـلقـى لانـك كـوك والبـاقـين كــوم
تسهر بوقت الليل ماتـرمـش عيونك بالـيـال
وغـيـرك يـخـاف الـلـيل يستسلم إلا من جاه نوم
يكفيك لامن جيت مسكن فيه وضع الاحتلال
يـنـحـل حـلـه بـالـرخـاء ولا يـجـي وقت الهجوم
من غيرك اللي يقطع البيداء وفـعـلـه لايزال
ومن غـيـرك اللي مسـتـعد لـغـايـته ينطح سموم
من طيبتك من عزتك تبطي تغربلك الرجـال
ماتـخـدم إلا مـن خـلـق زولـك ولـه دايـم خــدوم
ذراعك إليا مدت بوقت الشقاء جابت جزال
تـخـتـار في صـيـدك الـذ او اطـيب انواع اللحوم
في وقت موجات البحر كلن غرق تحت الهوال
وانت الذي في وضعك اصبحت الوحيد اللي يعوم
اللي غلط في زولكم مانقول هذا ويـش قـال
من بـيـن عـيـنه نـقـنـصه ويطيح من فعل السهوم
ماباقي إلا نستمع لـهـروج من فيـه الـهـبـال
طـبـع الـرخـوم الله يـشـيـلـك يامــلــويت الـزقوم
ميؤس من حاول يجيك ويرتـقـي يـم الـطـوال
يـبـطـي ولـو حـاول شهـر ولا سـنـه او الـف يـوم
إيـدوم فعلك ياكريم الوجـه يازين الـخـصـال
رقـيـتـنـا لـلمـجـد عـمـرك ياعسـى عـمـرك يدوم


وسلامتكم................

لاشك أن الاب يستحق الكثير من الابن من الاقوال والافعال


بغض النظر عن الشعر

صح لسانك ياجمال وماقلته يعتبر انشاء الله من بر الوالدين


حفظ الله والدك وحفظك الله ذخراً له


تقبل تحياتي

الف شكر لك اخوي فهد الشعلان وعلى خاطراتك

جزاك الله خير وبيض الله وجهك

الاخ العزيز الشاعر جمال الجابري
اسعد الله صباحك بكل خير وسعاده
الطيب بين الرجال ميضيع مثلك وشرواك
ومايمدح الطيب الا الطيب وانت من اللي
مايضيع عندهم الجميل الله يوفقك
ابيات معانيها تعبر عن مصداقيتها
صح لسانك ولاهنت يالغالي
تحياتي

ال شكر لك اخوي سعد

والطيب مايجي منه الا كل طيب

عساك على القوة

أرحب ياجمال

من كريم لمستحق ولا لك عايب فيما قلت


جميل من جمال صح لسانك ودام إبداعك


تحياتي

جمال



قصيده وافيه

لاعدمنا هذا الحضور المشرق



الله يحفظك

اخوي شجاع الف شكر عل المرور

جمال الجابري
مبدع وصح الله لسانك

تقبل مروري

الله يعطيك العافيه اخوي خالد البحيري

على الرد وبيض الله وجهك

وعساك على القوة وبانتظار جديدك