.... الانعجاب ....

بسم الله الرحمن الرحيم

اللهم صلي على محمد

((((( الانعجاب )))))

انعـجابي بالذي فالـبال ماهو انعجاب
كسر انواع العجب مابه مثل حلاوته
انجذابي كيف مدري بس جاني انجذاب
صـرت احبه وين تلقى زول في نقاوته
زاد حبـه يـوم قربـلـي وزدتـه اقـتراب
اعشقه بالحيل واتعبني على شقاوته
دون زوله صرت عايش في بلاد الاغتراب
غــالي بـقلبي ولاحــدا زاد عـن غلاوته
الحـياة بــدون زوله زايــدة بالاكتئاب
مسـكـنه فـوق الـنجـوم الله يـاعـلاوته
في حظورة يرتقي زينه ويعلن انحجاب
يـنحـجب وضـع المنـافس لارأى زهاوته
ازعل من افعاله ولابي منه انواع العتاب
ياتي يعاتب وانجرف في حكمه ورضاوته
ياتي ولايدري بانه وقت شـوفه انقـلاب
كـل الـقـلوب تسير يمه من جهـه متفاوته
كلن يحسب حساب زوله بالحظور وبالغياب
ولـيـا حـظـر يـسـتقـبـلونه اه ياحـفاوته
يلي تقارن لاتحاول ويش جاب لويـش جـاب
يـعـطـي جـمـال ومايـبـي الله ياسخاوته
يكفي بانه لاوقف غطى على اصحاب الجناب
طـيـب ولو تـبغـى تـعادي مابغى عداوته
مفتون في زوله ولا ادري ليه يعني لا جواب
مـن يـوم شـفـته لاهـي بزولي ويالهاوته
حـبـيـتـه وبـعـد الـمـحـبـه انفتحلي منـه باب
بـادل شـعـوري بـالمـحبه قاطعا جفاوته

صباح الجمال .. ياجمال ..

تشرفت بالحضور مبكرا والقراءة لهذه الرائعة ..

مالك لايم يالجابري .. كامله ةوالكامل وجه الدايم ..

قصيدة تعانق الشمس في مدارها ..
دمت بهذا العطاء ..

مفتون في زوله ولا ادري ليه يعني لا جواب
مـن يـوم شـفـته لاهـي بزولي ويالهاوته
حـبـيـتـه وبـعـد الـمـحـبـه انفتحلي منـه باب
بـادل شـعـوري بـالمـحبه قاطعا جفاوته


جمال


كل عام وانت بخير

نص راقي برقي شاعره

استمتعت بقرائته ومساحات الجمال اللي فيه


تقبل تحيتي



مشهووووور....

اخوي ناصر القزلان تشرفت في مرورك وتعطيرك لموضوعي الف الف شكر

كفيت ووفيت

هلا وغلا مشهور الخيال الله يعطيك العافيه ويقويك

وجزاك الله خير على الكلمات الرائعه

يا قرمـــ

صح لسانك يالجابري

حضور جميل .. ولاهنت

الف شكر مزون المحمد على المرور

وتعطير الصفحه بردك

جمال شكراً لهذا الجمال سيدي الفاضل


ابيات وتعابير في غاية الروعه

ياتي ولايدري بانه وقت شـوفه انقـلاب
كـل الـقـلوب تسير يمه من جهـه متفاوته
كلن يحسب حساب زوله بالحظور وبالغياب
ولـيـا حـظـر يـسـتقـبـلونه اه ياحـفاوته


لله درك

تقبل تحياتي

اخوك

ملك الشموع

هلا والله اخوي فراج (( ملك من ملك الشموع)) الله يعطيك العافيه

وبيض الله وجهك

صح لسانك يالجابري
حضور جميل .. ولاهنت
وافيه من شاعر جزل

تحياتي

اخوي سعد السبيعي الله يعطيك العافيه

وبيض الله وجهك

جمال الجابري

صح السااانك

جزله من شاعر جزل

تقبل تحياااتى

خالد البحيري اسعدني مرورك

ويعطيك العافيه

ياقرمـــ