شعر فواز

السلام عليكم ورحمت الله وبركاته
مساكم الله بالخير... لحظه ولاأجمل برفقة الوجيه الطيبه أود أعرفكم على نفسي من خلال هذه القصيده وأتمنى أن تصل إلى مستوى النداوي.....ولكم مني كل الحب

ياناشدٍ فــواز عن ســـر همه ......................
......................بلاك ماجـــربت فـرقى القرايب
بــلاك مـــاضميت هـــمٍ يضمه ......................
......................ولا فكـــرت عينك تهل السكايب
للهم في نفسي ترى أسباب جمه ......................
......................وللحزن في قلبي جــروحٍ عطايب
وللحزن فيني عشق مانيب أذمه ......................
......................وصرت أعشقه مثل عشـق الحبايب
حــزنٍ يبعثرني وأنا بس ألمه ......................
......................ماأبيه في يوم من الأيام غايب
أحب وإلاّ أعشــق مــاهي مهمه ......................
......................المشكله قلبٍ من البعــد ذايب
وياناشدي للحــزن فيني تتمه ......................
......................أقرا شعر فواز تشوف العجايب

هلا والله وغلا فواز

يالله حي الذيب

يا مرحبا فيك في منتدا النداوي

والله لا يجيب الهم وانا اخوك

هلابك ملاييييييييييين

وصح السانك ملايييييييييين

مرررررررررراحب

الله يحييك اخوي فواز
ننتظر المزيد والى الامام


ـــــــــــــــ
اخوك عبدالرحمن

حي الله


لو ماهي المشاعر تهيض وتنزف

ماكانت القصايد

عاد وشلون لو كان الجرح فرقى القرايب ؟؟


صح لسانك

اخوك ابوغلا

المهلي مايولي ياأبوسلطان والبقى لك
أشكرك على ماكتبت
وصح بدنك

أخوي عبد الرحمن أبقاك الله
إن شاء الله نكون عند حسن الظن
لك مني كل الإحترام

أخوي موادع الله يبقيك
أشكرك على تعليقك وإن شاء الله
نكون في مستوى النداوي