حرْوَة القــدْر / رثائية

في المرحوم بإذن الله راشد بن سعد الخييلي


.


.


[poem=font="Simplified Arabic,5,#FF0800,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

البارحه ما نمت من ضيقة الصّدر=طار الكرى و أركت علي الهمومي
ما تنومن سود الليالي من الغدر=سبحان من يعلم بغيب العلومي
مرحوم ياللي مات في حرْوَة القدر=هالوا عليه القبر دونه اردومي
ابو سعد غيره نجومٍ و هو بدر=جعله مجارٍ من لهيب السّمومي
من جاه في حاجه فزع له و لو سدر=في المقديه ما هي بحب الخشومي
مثل الجمل لا من بدا اللازم يهَدر=جعله فداه أهل النّفاق الرّخومي
يشرب من الصّافي و لا يقرب الكدر=ضاري على الطّوله و شدّ العزومي
يالله عساه بجنّة الخلد و الخِدر=و يعوضه الله في نعيمٍ يدومي
صلاة ربي عدّ ما غرّب و حدَر=على نبيّ من خطاه معصومي[/poem]

عبدالله الدوسري

صح السااانك

قصيده جزله من شاعر جزل ..

الله يرحمه برحمته الواسعه

تقبل تحياااتى

يالله عساه بجنّـة الخلـد و الخِـدر
و يعوضه الله فـي نعيـمٍ يدومـي


اللهم امين



صح لسانك ياعبدالله

عبدالله


صح لسانك وصح قلبك

وطكل عام وانت بخير


لاهنت ولاهان هذا التوهج

تقبل تحيتي


مشهوووور......