!!.. ( وشلون ابنسـاه ؟ )..!! .. بالصوت والشيله

[align=center]
بسم الله الذي لايضر مع اسمه شيء ..


أحبتي ..

كل عام وانتم بخير ..



عذرا على حزنكم مقدما ..

في العام الماضي .. تحديدا في تاريخ 18 رمضان .. توفي أخي وصديقي عبدالله غالي الصوينع الدعجاني .. عليه رحمة الله .. إثر حادث مروري .. كفانا الله واياكم شرور الحوادث ..


كتبت هذه القصيده في تاريخ 18 رمضان هذا العام ..


صلوا على النبي ..


بالصوت والشيله ..اضغط هنــا [/align]


[align=center]
للحفظ اضغط الزر الايمن .. حفظ الهدف بإسم ..[/align]


[poem=font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=1 align=center use=sp num="0,black"]
العام نفس اليوم .. ياشين ملفااه = فقدت فيه أغلى صديقٍ عرفته
رجلٍ لو أن الموت .. مرّ وتعداه = ماكان دمعي بالليالي ذرفته
غصبن علي أبكيه .. وابكي لذكراه = واندم على وصلٍ بعمري ولفته
دايم معي .. وشلون ابسلى .. وابنساه؟ = واليا غفت عيني.. بالاحلام شفته
عبدالله اللي لو اعددّ سجاياه = ماوالله اقوى حصرها .. لو وصفته
يكفي رقى للمجد من فعل يمنـاه = لين السحايب من شموخه عْرفته
دايم يعاهدني على الوصل .. والقاه.. = وافي على عهده معي .. لو نكفته
خوة نقا .. ماهيب خوة محاباه = منه الغدر حاشاه .. مايوم خفته
جاه القضا .. وآنا بعد مالقضا جاه .. = الحزن من ليل الوداع .. احترفته
لكن عسى في جنة الخلد .. مثواه = أخير من حزنٍ بصدري نزفته
يارب .. من عطفك .. ورحمتْك تجزاه = يارب عبدك تايه .. ان ماسعفته ..[/poem]


[align=center]
عبدالعزيز ..[/align]

الغالي / عبدالعزيز

رحم الله صديقك واسكنه فسيح جناته


حتى باالرثاء مبدع


شهادتي فيك مجروحه ولكن ستضل شاعر يشار له بالبنان


دمت كما تحب

[poem=font="Simplified Arabic,5,#F1593E,bold,normal" bkcolor="#454511" bkimage="" border="solid,4,#E25A3C" type=2 line=0 align=center use=ex num="0,#400000"]
خوة نقا .. ماهيب خوة محاباه=منه الغدر حاشاه .. مايوم خفته[/poem]


صح لسانك ياالدهمشي

ونص جميل ومعبر عن احساسك الصادق والوافي ,,

الأستاذ:ــ عبدالعزيز الدهمشي

صح لسااااااااانك يالقرم

أبدعت في هذه المرثية ياأبيض الوجه وهذا ينم عن مايحوي قلبك من الوفاء والطيب

ومعدنك الأصيييييييييييييل يالدهمشي ورحم الله صديقك العرجاني

الدهمشي قصيدة وإحساااااااااس لاعدمنا هذا الإبداع ياطويل العمر والبقاء برأسك

وااااااااااااااااااافي يالسناافي

تقبل تحياتي

الاخ الغالي عبدالعزيز الدهمشي
الله يرحم الميت ويسكنه فسيح جناته
وهذا يدل على معدنك الطيب يالجزل

جعلها الله في ميزاااان حسناتك

ارق التحاياااااا

صح لسانك ياالدهمشي

ونص جميل ومعبر عن احساسك الصادق والوافي ,,

الاخ الغالي عبدالعزيز الدهمشي
الله يرحم الميت ويسكنه فسيح جناته
وهذا يدل على معدنك الطيب يالجزل

جعلها الله في ميزاااان حسناتك

ارق التحاياااااا

عليه رحمة الله تعالى ,,,


عبدالعزيز صح لسااانك على هذا البوح الحزين ,,,


قبل مروري المتواضع ,,,

خالص مودتي ,,,

عبدالعزيز الدهمشي
الله يرحم الميت ويسكنه الجنه

وبيض الله وجهك على وفاك وصح لسانك

أخوي عبدالعزيز الدهمشي

صح لسانك واعتلا شانك

نص جميل ومعبر عن احساسك الصادق والوافي

رحم الله عبدالله الدعجاني رحمة واسعه واسكنه فسيح جناته امين

لك احترامي وتقديري

ابن العم ..

سعود العواجي ..


اللهم امين .. جزاك الله خير يالغالي ..


شرفني مرورك يابعدي ..


وشهادتك وسام جعلي ماعدمك ..



اخوك

عبدالعزيزالدهمشي

أرحب وصح الله لسانك

بدعت وأبدعت وأطربت

تحياتي