(((( دورة الايام ))))

(( بسم الله الرحمن الرحيم ))
صلوا على النبي { رغم أنف رجل ذكرت عنده فلم يصل عليّ **
{ من صلّى عليّ واحدةً صلّى الله عليه عشر صلوات وحط عنه عشر خطيئات ورفع له عشر درجات **
السلام عليكم ورحمة الله وبركاته
عساكم دوم بتمام الصحه والعافيه

(( دورة الايام ))
يـاذا الــزمن بك دورة الايـام احيانـاَ نـكد
مااعرف اوازن خطوتي في دورتك ياطولها
احيان لك موقف سعد واحيان وينك ياسعد
واحيـان تبكيـك المـأسي يـوم محداَ حـولها
اتـوه تبحث عـن بـلـد وانته بداخل هـالبـلد
وتبحث عن ابعاد الهموم ووين منهو يزولـها
ياذا الزمن بك لـيل دامس ماحد بليلك رقـد
وفـيك المـأسي ممطرة دايم نشوف هطولـها
واشيب حالي منك ياحالي ووش تبغى بعد
مـازلـت صـابر والـمـأسي زايـدة مـفـعولـها
المشكله صبري صبر والصبر من صبري شرد
وطـعـم الحياة بحالتي وشـهـولها وشهولـها
والحب له وقفه معي واحس في وقفه شدد
كـلـه كـلام بخافـقـي كـلـمـه وتبغى اقولـها
ياصاحبي والهم في هذا الزمن مالـه عـدد
كـلـه مـأسـي دايـمه بـطــلوعـهـا ونـزولـها
ماعاد ينفعني سند لو كان من حولي سند
مــادام لـي دنـيـا تـقـلـب رحـلتـي بـميولـها
ياذا الزمن لاتحسبني وقـت رمـيك مسـتـعـد
ياشـين طعنات الظـهر لو كـان صعب حلولـها

الله الله



الغالي جمال



صح الله لسانك على هذا الجمال



ولاهنت



لك تحياتي

الف شكر لك اخوي مناور على مرورك لموضوعي

وبيض الله وجهك والطيب مايجي منه الا كل طيب

اسعدني تواجدك وطرحك لمثل هاذي الردود اللي متعودينها منك

قواك الله ياقرمــــ.......

جمال

جميل ماجبت جمل الله حالك وسلم راسك وصح لسانك

يارائع

تحياتي

فهد السيمري يعطيك العافيه
عساك سالم وجمل الله حالك

وانا بالذات بانتظار جديدك

جمال



صح الله لسانك على هذا الجمال

جزله من شااااعر جزل

ولاهنت



لك تحياتي

اسعدني مرورك اخوي خالد عساك على القوة

والله يعطيك العافيه

الغالي جمال


حضورك حضور جمال الشعر



دام حضورك الراقي

اخوي حسن الاحبابي ان كان لشعر جمال انت مالكه

اسعدني مرورك و وجودك في موضوعي شرف كبير لي

وبيض الله وجهك ياقرمــ