انا اول من كتب بالدم

[poem=font="Arial,6,#FF3600,bold,italic" bkcolor="" bkimage="images/toolbox/backgrounds/18.gif" border="none,4,#400000" type=2 line=0 align=center use=ex num="0,#400000"]
أنا أول من كتب بالدم


أنا أول شاعرٍ يكتب على مد النظر بالدم=كتبتك وافتخر إني كتبت حروفك بدمي


كتبتك والمدى وردي منيرٍ ما هو بمظلم=تقل نورٍ على نورٍ به الأنوار تلتمي


كتبتك يا فرح عمري و أنا همٍ يعانق هم=وقلت اني فدى روحك بدمي ليه تهتمي


يا أعذب من زلال الما و بالعفة كما مريم=ومن غيرك بها لدنيا تجلّي شوفته همي

يا عمري لافتدي عمرك بعمري من قليل وجم=فداك اعيالي وحالي بني خالي وبني عمي


عن اللي يبغضك والله لعيش أبكم كفيف أصم=ضميني على صدرك بعد ضمي بعد ضمي


ألا يا غلى حروف واطهر حروفٍ نطقها فم=ياأمي من بها الدنيا يساوي بالعلا أمي


عجزنا ما لقينا شي نوصف به حنان الأم=قبل ما كفها يلمس صغير عيونها تسمي
[/poem]

وصفي الصبرات

شاعر تتميز معانيه بالرقي وملامسة المشاعر

بواقع الكلمة المعبره-

صح الله لسانك شاعرنا مبدع هنا وهناك

تقديري لك

الله الله الله الله


وصفي الصبرات شاعر يكتب بالطهر والدم

صح الله لسانك يا ابو غيث

جزل ووافي لا عدمتك

والله يديم الوالدة لكم ويحفظها


تحياتي يالسنافي

ابو غيث

ابدعت ووفيت وكفيت

عجزنا ما لقينـا شـي نوصـف بـه حنـان الأم
قبـل مـا كفهـا يلمـس صغيـر عيونهـا تسمـي

صح اللسانك

الغالي وصفي



الله يخلي لك والديك ويطوّل عمرك على طاعته





يا أعـذب مـن زلال المـا و بالعفـة كمـا مريـم
ومـن غيـرك بهـا لدنيـا تجلّـي شوفتـه هـمـي





موفق

عودة للاستمتاع بهذه الشجنية الرائعة

ارحب يابو محمد ارحب تراحيب المطر


وصح الله لساانك مليون


ولاهنت


وابيض وجه


وشاعر لك بصمه خاصه ولاهي غريبه عليك


اخوك


سالم اليامي

الحوراء بنت نجد
تشرفت بمرورك الكريم
والف صح الله بدنك ولاهنتي
تقبلي تحياتي وتقديري
وصفي

وصفي ..

انت شاعر مثقل بهموم الاخرين وهذه ميزة الانسان الوفي ..

كتبت في أنسانه تستحق الحب والوفاء وحروف الدم ..

الله لايحرمكم من بعض .. آآآآآآآآآآآآآآمين ..

كل الود ,,,

صح الله لسانك


وافيه وأنت وافي



لاعدمنا حضورك المشرق



الله يرعاك

[poem=font="Arial,6,#FF3600,bold,italic" bkcolor="" bkimage="images/toolbox/backgrounds/18.gif" border="none,4,#400000" type=2 line=0 align=center use=ex num="0,#400000"]

عجزنا ما لقينا شي نوصف به حنان الأم=قبل ما كفها يلمس صغير عيونها تسمي
[/poem]

فعلا صدقت في وصفك ياوصفي
صح لسانك والله يسلمها ويحفظها لك

صح الله لسانك


وافيه وأنت وافي



لاعدمنا حضورك المشرق



الله يرعاك


ـــــــــــــــــــــــــــــــــــــ

الاخ الغالي مراد الشيخ
بيض الله وجهك وصح الله بدنك
ولاهنت وماعليك زود
وكلامك اعذب من قصيدتي يالغالي
تقبل تحياتي

سالم اليامي
اررررررررررررررررررررررحب
تشرفت بمرورك الكريم
والف صح الله بدنك
وما عليك زوووووود
بيض الله وجهك يالغالي
تحياتي

عن اللي يبغضك والله لعيش أبكم كفيف أصم
ضميني على صـدرك بعـد ضمـي بعـد ضمـي
ألا يا غلى حروف واطهر حـروفٍ نطقهـا فـم
ياأمـي مـن بهـا الدنيـا يسـاوي بالـعـلا أمــي


وصفي


لله درك ودر هذا التوجه

ادراك حسي مترجم لحروف القصيده بمكانة هذا الرمز الانساني لكل من يعرف حقوق الام

دمت ودام هذا الحضور النموذجي


اخوك


مشهوووور.....