هاض فكرى

[frame="7 70"][poem=font="Simplified Arabic,6,#0024FF,bold,italic" bkcolor="" bkimage="" border="none,4,#400000" type=1 line=0 align=center use=ex num="0,#400000"]

((( هاض فكرى )))

هاض فكرى بالقصيد=واعتلى درب النشيد
وجزل المعنى وفيد=ونظم ابيوتٍ قويه
قال من فكره تعنه=والليالى اتعبنه
ياعسى ماخاب ضنه=دامت الاشواق حيه
من مشى درب الحقيقه=نور الله فى طريقه
سكته دايم رقيقه=ماشيا فى طيب نيه
عابرا درب السنع=وعن صلاته ممتنع
ماسلك درب الولع=مولعٍ بالدرب ضيه
اتخير بالكلام=بالشكل والاحترام
ماعلا درب النظام=مامشى درب الخطيه
بشرح ابمعنى قصيدى=من قديمى ومن جديدى
ومن زمانى استفيدى=بالعلوم الأوليه
شوف حق الوالدين=حقهم عهدٍ ودين
من حقوق المسلمين=اللزم ابحق الوصيه
اعتن ابكل شى فيهم=دايمٍ قلبك يبيهم
لاتقصر فى سويهم=حقهم واجب عليه
ولاتنقص بالرفيق=لويجى جرحه عميق
الصديق هو الصديق=ينفعك وقت الحميه
والسنع درب الرجول=لويدور الوقت حوله
لومشى عرضه وطوله=لولياليها خفيه
والكرم فعل الرجال=ولا ذكر بالطيب قال
والردى ماله مجال=ابعد ادروبه شويه
وين ماتمشى تشوف=والزمن صد مه وخوف
لوتصادفك الظروف=احتمل حسنه وسيه
لوتعيش ابدنيتك=ماتحقق منيتك
مير احفظ عزتك=اكسب اعلومٍ وفيه
لاتباهى بالكلام=ونطق ابهرج احترام
ولاتخفى بالظلام=بالليالى المقدميه
الكذب دربه قصير=لوتهف ولوتطير
لاتحسبنك خبير=تنكشف فى شمس حيه
اعرف الدنيا تراها =ماتبين فى خفها
حلوها والاشقاها=فى امانيها مديه
التزم فى حق جارك=ولاتقصر فى مسارك
وعد داره مثل دارك=ولاتبين فى خفيه
الوفى يفخر بطيبه=ولاعلى مثله غريبه
راضى ابحقه ونصيبه=ويترك اعلومٍ رديه
لاتقصر بالظيوف=مد باليمنى وشوف
راعى الطيب امعروف=للوفا دوم ايتهيه
وحفظ حقوق العيال= لايوردك الهمال
لين تظهرلك اجال=فيهم النخوه حميه
وصهم درب الصلاح=والرجوله والنجاح
لاتجيهم بالصياح=خلهم كلهم سويه
لاتجى بوقتك عنيد= لاتفيد وتستفيد
خلك انسانٍ حميد=للوفا والمكرميه
خلك ابدرب الهداية=عارفٍ للنفس غلية
وحسن ابظن النوايه=واعرف النيه مطيه
امش فى درب الصراحه =للزمن راحه وراحه
دام نفسك مستراحه=احمده صبح واعشيه
الفتى يحفظ السانه=لايقطه فى زمانه
كل شخصٍ له مكانه=مايشابه فى سميه
اعرف الدنيا غريبه=فيها اشياىٍ عجيبه
لوتشوف ابها صعيبه=تشبه ادروب الحويه
لاجلست اجلس رزين=وخلك ابوقتك فطين
لاتغيرك السنين=من عوايدها مديه
لاتاكبر بالزمان=والزمن ماله امان
لوتشوف ابه الحنان=لوتذوقك الحليه
اعرف احقوق الجماعه=فيهم أنفوسٍ شجاعه
وجلس ابعزه وقناعه=وكلمتك ميه بميه
وحسب ألربعك أحساب=ولاأتجازي بالعتاب
كلهم عزوة شباب=للوفا والطيب هيه
ولا تشك وتستشك=الرجل عند المحك
بالزمن لاترتبك=اعرف اعزومك قويه
الزمن فيه العجايب=بين هجران أو طلايب
لوتشوف أبه الغرايب=احتمل شيا وشيه
اوزن الكلمة ابلسانك=يافتى السانك حصانك
ان مشيت ابحق صانك=بين روحاتٍ وجيه
ليخربطك الزمان=بين كان وبين كان
اتعب الدرب الأمان=واحمى النفس الشقيه
لايحوفك كل حايف=تصبح ابدنياك خايف
اصبر ابحمل النوايف=لاتحوفك حايفيه
خلك ابدناك جاد=الزمن جهد وجهاد
لايضبعك العناد=بالدروب العاطفيه
وين ماتمشى حبيبى=راضى ابحكمى ونصيبى
لويجى دربى صعيبى=خطوتى تحسب عليه
انظر بعين وملامه=لاتبين وش علامه
يمكن اتصيبك سهامه=بين ذيك وبين ذيه
والهوى دربه صعيب =بين محبوب وحبيب
والى يكتبلك نصيب=وعلم الدنيا خفيه[/poem][/frame]

صح لسانك

على هالقصيدة الوافية

ولاهنت

دمت بخير

.

الله الله

صح اللسانك يابومحمد بصراحه ابدعت يامبدع



تحياتي

لون شعري جميل
صح لسانك اخ خالد
تقديري

,,,

مطلق بن راشد القعيمه

ياهلا بك بالغالى

الساااعه المباركه مرورك

تقبل تحياااتى

محمد بن هضيبان

السااعه المباااركه يالغالى نتشرف بك وبقلم الراقى

لك منى كل تقدير واحتراااام

تحياااتى

كبرياء

ياسلاااام على دعمك المتواصل

كاتبه مبدعه ومتاااااابعه نتشرف بكى وبقلمك العذب

تقبلى تقديرى

الاستاذ:ــ خالد البحيري

صح لساااااااانك !!

نص رائع وراقي لاهنت ياخالد!!

معاني جميلة وحكمة من حكيم !!

لله درك !!!!!

تقبل تحياتي.

مشعان الشملاني

ياسلااااام عليك وعلى كلماتك العذبه ومتابعتك

يامرحبااااااابك يالغالى

تحيااااتى

ابو محمد الله يجعلها في ميزان حسناتك

وصح السانك لين ترضى



تحياتي لك

سعود المحجان

lمرحباااا بك يالغالى

لاهنت على حضورك وتشريفك ومتابعتك الجميله

لك التحيه

خالد




صح لسانك يانقي



جزله وسهله وممتعه



الله يرعاك

صح لسانك ياخالد

كم هو جميل التنويع

عبدالله ابن شايع الزهيري

الله لايحرمنا من قلمك الجميل

لاهنت على مرورك الغالى وتشريفك

تقبل تحيااااتى

الكاتب الرائع : حمد الدليهي

ياسلاااام

على متابعتك واهتمامك ودعمك التواصل

لاهنت يالغالى