Tweet
يالله يا مجري سحابٍ بلا سـيل 000 يا واحد ٍ متفرد ٍ بالجـلاله
جنبني الزله ودرب البــهاذيل 000 وانت المجيب ومتصف بالكماله
بعد اطلاع وبعد فكر وتحالــيل 000 القرني يقــدم لكم ما بداله
:
الدلة اللي زينـتها المعاميل 000 قولوا لراعـيـها يوخـر دلاله
حرام تحوي طـيب البن والهـيل 000 وحرام نشربها بوسـط البياله
حتى حثايل بنـها بالفناجــيل 000عارن على الفنجال باقي حثاله
بعض الدلال وكيف بعض الرجاجيل 000 مثل الغريب اللي مضـيع حلاله
الجيل يحكي قصة الجيل للجـيل 000 تاريخ ومســــجل ولاله بداله
ضلم وضلاله لو سكتنا عن الميل 000 انشهد انه سار ضلم وضـــلاله
اما تصفق للخطا والتـــهاويل 000 والا تقول الناس عود ٍ هـلاله
ما يُـعْتَـرف بالفارس اللي بلا خيل000 ولا كتـب في مـثل حاله مقاله
حتى ولوا قالوا وزادوا له القيل 000من بوه؟من جده؟ومنهم خواله؟
البيت يزهى بالفحول الحلاحـيل 000 كل ٍ على طيبه تقله فعــاله
واسترسل اللي همه يحط ويشـيل 000 هذا هوى قلبه وغاية مناله
هو كل يوم يجـر لحـن ومواويل 000 ويستغنم الفرصه على ما طراله
واللي ركب له فيل ما يصلح الفيل00 مادام في الميدان راعي جماله
والا مصيره تحت طير ٍ ابابـيل 000 ويكـتب نهاية قصتة في عجاله
ما امشي ورى اللي ما يفيد المحاصيل 00 اللي يمينه ما تجمل شماله
اقولها من بيت عز ومداهــيل 000 وانا حـقـيقه واحد ٍ من عياله
هذي رساله ضمن بعض المراسيل 000 والشاطر اللي حل لغز الرساله
--------
عوض القرني
000000
تعليق