السلام عليكم ورحمة الله وبركاته ..
اتشرف بالإنضمام لهذه الكوكبه الشعريه المميزه ..
واصافحكم بأول مصافحه وهي وطنيه .. اقبلوها كما هي
قصيده القيتها قبل اسبوع بيدي يدي امير منطقة عسير ..
في احد الأحتفالات بفعاليات مهرجان أبها والذي يحمل عنوان ( الشباب ومتطلبات المستقبل ) ..
في احد الأحتفالات بفعاليات مهرجان أبها والذي يحمل عنوان ( الشباب ومتطلبات المستقبل ) ..
[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
قصيدي اللي لا زٍهم جا على الفور=يزهمه هاجوسي ويلبي للأقلآم
اهدم به قصورٍ وأشيّد به قصور=وأفرح به أقوامٍ وأزعل به أقوام
ولا يغرك بإنه احساس وشعور؟=كم فكك انشابٍ وكم حبب اخصام
امدح به اللي بالطلاقات مخبور=اللي عن الهزلات شامخ وشوّام
سلام .. يافيصل .. وكيفنت .. ماجووور=الله يجيرك من صواديف الأيام
تصطف الأحرف في مدايحك طابور=كل حرف يبغا ينال في صدره وسام
واقول انا ياحروف بالدور .. بالدور=بالأولي ... ياميم .. لا تطمر الـ لام
ياأمير ياإبن ملوك ماانته بمأمور=ياسيدي يانسل ساده وحكام
يامجبر اللي من شقا الوقت مكسور=ياحزام من ماله مع العالم احزام
ياستر عذرآ فرعة من عنا الجور=يافزعة اللي صاح بالصوت منضام
مالك عدو .. وان كان ؟ فأكيد مدحوور=مالك عدوّ إلا سمينات الأغنام
يابانيٍ دون البخل عالي السور=وان حال دون الجود ياتيه هدام
سنه وقاع الدار مالخير ممطور=من نوّ كفك ياكريمٍ من أكرام
عسير لكن مابها شخص معسور=ويكفي شعار المنطقه في هذا العام
تقول بإن الجيل هذا ؟ لهم دور=العين فيهم في مقابيل الأعوام
انا اشهد انه شور يامسدد الشور=ولا هي غريبه دام شبحك لقدام
ياسيدي على جمايلك مشكور=والشكر لامن دام يعني الوفا دام
شيبٍ .. وشبانٍ .. ونسوان .. وبثور ؟=رزّوا على المرقاب لك بيض الأعلام
تسلم ولا يسلم رديٍ ومثبور=ومكثور بالخير ... مثل قولة هل الشام
ماينجب المنعور ياكود منعور=والشبل مابه شك من ظهر ضرغام
ياجعل ذاك العود مرحوم مغفور=صقر الجزيره .. ملجم العايل الجام
لملم شتات الحق .. وشتت هل الزور=وقام لصياح البنت غيره فلا قام
لبّا يشيل الروح فالكف مسرور=مقدام ماهمه ثمانين مقدام
الين علو الصوت في يوم مخبور=تسمعّوا ياقوم هذا الخبر ؟ هاااااام
الحكم لله كاشف كل مستور=ثم للسعود مطبقة شرع الأسلام
وجا العلم يطمر طمر والجهل مطمور=طمر الحصان اللي بلا سرج والجام
والعنصريه اصبحت شي مدثور=وصرنا قبيله واحده دون اقسام
ومات الصقر من عقب ماخلف صقور=اوكارهم تبقى على روس الاعلام
تموّا بداياته بلا نقص وقصور=ومن يجتهد فأكيد بيحقق احلام
واليوم لا زلنا تحت عز واسرور=نُحسد وأرى الحسّاد ؟ ماهوب منلام
في ظل حاكم وافي مدود وشبور=عبدالله ابن سعود معشوق الأريام
مليكنا اللي وين ماراح ؟ مقدور=حرٍ لروس الشمّخ النايفه رام
وولي عهده مشعل النار والنور=راع المدايح ملهم الشاعر الهام
سلطان عنده كل معسور ميسور=انشهد انه بالكرم حطم ارقام
معمور ياموطن هل العز معمور=عظيم ياموطن وحكامك اعظام
عظيم ... وتبقى مثل ماأنت مذكور=حتى ولو جوا لك محبين الإجرام
وش ضيّر المرقاب من نطحة الثور ؟؟=وش يجبر الشامخ يناظر للأقزام ؟؟
حنا هنا ماحن انتردد ولا انبور=ينام موطنا وحنا فلا ننام
سوّاقة ارواحٍ .. وقدّامة صدور=وعصّابةٍ للروس .. شمّارة أكمام
دون الوطن بنغير ونقوم ونثور=الكل منا شايل الروح سوّام
يبقا وطنا بإذن ساتره مستور=ويبقون حكامه على روس الأعلام[/poem]
تعليق