انابـــدوي

شرفت في رجــمـن طـويلـن تنبـه = ونيـت مـثـل ألــي شــكى من كسوره
اعوي عوى ذيب(ن) وصوته قـنبه = لا مــن عــوى لجــت ضـلـوعــه وزوره
والجوف كـنه فيه جــمـرن يـشــبه = قــرم(ن) يـقــلــط للنــشامــا بـشـوره
الكيف صـــبه ياحــمر العــين صبه = راعي الهـوى خـلــه يـعــبر شـعـوره
انا مــريض(ن)يامــريـض المــــحبه = وانـا بـــدوي حــده زمــانـه وجــوره
قلبي معا خـلي وخـلـي لــعـب به = وسط الضـمـايـر لـه طــوابع وصـوره
غرقت في بحرالهوى وسط غـبـه = بحر(ن) على السباح يصـعب عــبوره
خـلـن خـذا قـلبــي ولاخـاف ربــه = ألي جـــبينـه يشــبه الـبــرق نـــوره
ألي هجرني هجر من دون ســبه = الله يجــازي صاحـبي فــي غــروره
غريق طــراد الهــوى ويـش طــبه = وألــي سـواتك ماتنـاســيت شــوره
ياستاذ في طرد الهوى والمحـبه =ا خـــذت لــك فــي ذيـك الايــام دوره


__________________________________________________ __
اخواني الاعضاء لتوضيح ((غريق ومريض المحبه)) هذي ألقاب لبعض ازملاء
ولكم تحيـاتي.

الشاعر / جابر آل لحوير المري

صح السانك وعلا شااانك

جزل وقصيده وافيه

لله درك

خـلـن خـذا قـلبــي ولاخـاف ربــه = ألي جـــبينـه يشــبه الـبــرق نـــوره
ألي هجرني هجر من دون ســبه = الله يجــازي صاحـبي فــي غــروره
غريق طــراد الهــوى ويـش طــبه = وألــي سـواتك ماتنـاســيت شــوره
ياستاذ في طرد الهوى والمحـبه =ا خـــذت لــك فــي ذيـك الايــام دوره

هذا بلا بوك يا أعقاب كما قالها نمر بن عدوان


الأخ جابر وقصيده رائعه الي أبعد مدى

صح لسانك


هذا الطرق يستهويني


تحياتي

صح لسانك يا المري
قصيده تدل على صالتك
واعتزازك بها بيض الله
وجهك

جابر المري


صح لسانك

قصيده رائعه تستحق الاعجاب

سلمت ولاهنت

تحياتي

صح الله لسانك يا جابر

قصيدة جزله ومن شاعر جزل

تقبل اصدق تحياتي

اخوك

صح الساانك جابر
وافيه وجزله
لاعدمناك
تقبل حضوري
ظبيالجنوب

اخوي خالدالبحيري حياك الله ومرحبابك وصح بدنك
ولك مثل ما قلت ولاعليك زوود واشكرك على الكلام الطيب وهذا من طيب راسك
والجزاله في حضورك ومرورك ويامرحبا ملاييـن.

أختي الجفول حياك الله ومرحبابك وصح بدنك واهم ما عندنا رضاكم جميع
وألي اروع من القصيده كلامك الطيب الذي يـدل عـلى أخـلاقك الـعـاليه
واسعدني مرورك ويامرحـبا ملاييــن.

اخوي فهيدالشهراني حياك الله ومرحبابك وصح بدنـك ووجـهـك أبيض
ولاعليك زوود وتأكد يااخوي فهيد اني اعتز برجال ألي مثلك وشرواك
ومعرفتهم هي الهدف واشكرك على الكلام الطيب والطيب مايستغررب من أهـل الطيب
وأسعدني حضورك ومرورك ويـامـرحــبـا مـــلاييــن.

اخوي محمد الحمراني حياك الله ومرحبابك وصح بدنك ولاتهون ومن قال يسلم
وانا ابادلك التحيه والتقدير واشكرك على الكلام الطيب وهذا يدل على طيب راسك
وأسعدني حضورك ومرورك ويامرحبا ملاييـــن.

اخوي مشبب العاصمي حياك الله ومرحبابك وصح بدنك ولاعليك زووود
وانا ابادلك التحيه والتقدير واشكرك على الكلام الطيب والطيب مايستغرب من اهل الطيب
والجزاله في حضورك ومرورك ويامرحبا ملاييــن.

اختي ظبي الجنوب حياك الله ومرحبابك وصح بدنك واشكرك على الكلام الطيبه
وانتي كذالك جزله ووافيه في حضورك ومرورك ويامرحبا ملاييــن.