بدون أعتذار

السلام عليكم



أتمنى ترضيكم



















[poem=font="Simplified Arabic,5,#000000,bold,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
زين هد الطيـر بـارضٍ جرهديـه = في حمـادٍ مابهـا غيـر الحبـاري



أشقرٍ ماشفـت فـي وصفـه حليـه = كل زيـنٍ فيـه تلقـى لـه مـواري

أشقرٍ ماجـى مـن التاجـر شريـه = مخرجه منهو لفعل الطيـب ضـاري

مخرجه سلطان معـروف وعطيـه = للخـوي اللـي بمـداتـه يـمـاري

قدمـه بالطيـب مسفـوط وهـديـه = قال هاك الطيـر نعـم الاختيـاري

وساقه الله طيب حض وحسـن نيـه = من رفيقٍ عـارفٍ وضعـه وداري

أفجـحٍ كفييـه مـن صيـده نديـه = أهدفٍ لاشاف له خـرب أنتحـاري

لاطلـع يطلـع مطالـيـعٍ قـويـه = ولالحـق ماكنـه الا طلـق نـاري

لاظربهـا كـن ظاربهـا شظـيـه = صوت كفه مثل صوت الانفجـاري

صاد خمسٍ كلهـا صيـد ضحويـه = وصاد خمسٍ غيرها تـال النهـاري

والاسـم مافيـه شـك أنـه سميـه = الاسم سلطـان للطيـب أختصـاري

ماخسر من ينقلـه صبـح وعشيـه= نقلتـه نقـل الشـرف والافتخـاري

مـع نشامـا كلهـم ربـع وحميـه = كـل منهـم للخـوي دايـم يـداري

كـل يـومٍ نازليـن أرضٍ عـذيـه = عشب خـده مـاذرت فوقـه ذواري

الـردي مـالـه معـاهـم قابلـيـه = يتركونه عمـد مـن دون أعتـذاري

كل واحد يحلـف أن يكفـي خويـه = خدمةٍ من طيب نفـسٍ مـع وقـاري

والكـلام مـن الآحاديـث النقـيـه = أخرجه مسلـم وصححـه البخـاري

مايجـي للنـاس سـب ولا آذيــه = ولايجي هرجٍ من المضمون عـاري

ماستمع دبكـه ولا أسمـع سامريـه = ماسمع الا صوت آذآن وصوت قاري

ماسكيـن الديـن مـع سنـة نبيـه = بالوسط لاهـو يميـن ولا يسـاري

ذي طـرات النفـس والدنيـا مديـه = وماكتبه الله على المخلـوق جـاري

[/poem]

صح الله لسانك ياهاجد


تحياتي

يا سلام يا هاجد

صح الله لسانك والهدية من كريم لمستحق

تستحق اغلا الجوايز يا هاجد

و تصويرك و توصيفك ما يعلا عليه

الـردي مالـه معـاهـم قابلـيـه
يتركونه عمد مـن دون أعتـذاري
كل واحد يحلـف أن يكفـي خويـه
خدمةٍ من طيب نفسٍ مـع وقـاري


تحياتي وجعل لسانك ما يطرم

كفيت ووفيت طال عمرك يالقرم


صح لسانك

صح لسانك يانقي



وافيه وأنت وافي وتستاهل



الله يرعاك

ياسلام ياهاجد

مساك شعر

وصح لساانك

ولاهنت

روعه

اخوك

سالم اليامي

هاجد السبيعي

والشعر الأصيل ...



صح للسانك

شجاع ا لاهنت
وصح بدنك وتقبل تحياتي

والاسم مافيـه شـك أنـه سميـه
الاسم سلطـان للطيـب أختصـاري
ماخسر من ينقلـه صبـح وعشيـه
نقلته نقـل الشـرف والافتخـاري


هاجد

صح لسانك وصح قلبك

قصيده وافيه ومن راس وافي

لاهنت ولاهان هذا الحضور


مشهوووور

الشاعر الجززززل هاجد ارحب تراحيب المطر يالقرم

ابيات تفوق الوصف صح الله لسانك الين ترضىىىىى يالقرررررررم


أرق التحايااااااا

لاطلـع يطلـع مطالـيـعٍ قـويـه
ولالحـق ماكنـه الا طلـق نـاري
لاضربهـا كـن ضاربهـا شظـيـه
صوت كفه مثل صـوت الانفجـاري

وصف متقن .. لله درك
ولاهنت

مشبب العاصمي
صح بدنك لاهنت
وتقبل تحياتي

هاجد السبيعي


صح الساااانك

قصيده يستحقها راعيها

سلمت على هذا الابداع

دمت بكل خير

رااائعه من شاعر يستحق المتابعه
صح الساانك هاجد

تقبل حضوري
ظبيالجنوب

فهد بن شعلان
صح بدنك لاهنت
وتقبل تحياتي