إن عشقت اليوم عشته ، وان كرهته قلت: غور * الثواني ، والدقايق ، والليالي ذالفه
نكره .. ونعشق .. وتبقا سنّة الله ماتبور * ربّ شئٍ تكرهوا خيْر لكم من خالفه
بس فيه اشيا ليامن صرت كارهها معذور * ارتفع عنها.. ونفسي عن غثااهاا حالفه
اكره الرجال لامن صار نمّامن هذور * مامعه سدّن بعيد .. ولايحفظ السالفه
واكره الرجال لامن طاوع امّات البزور * لارضن يرضا ويزعل لازعلن مكالفه
واكره الرجال لامن صار به نقص وغرور * فوق برج العاج يبني كبرياه التالفه
لاقرا شعر المعرّي مانسا بعض السطور * كل بيتن فيه حكمه والحكم متخالفه
قال: سيروا فوق سطح الارض رفقا بالقبور * ماأديم الارض الا للشعوب السالفه
واكره الحكمه اذا قامت على الذله تدور * مثل قول ان كنت ماتقدر عدوّك حالفه
واكره الدنيا ليامن قامت تعلّ الصدور * باعدت خلّ وخليل .. وفرّقت متوالفه
تعليق