وضحى وبن عدوان

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
ودي على الموت لو يومين ثم اصحا=واشوف منهو من الغالين يبكيني

إن كان محدٍ بكى ياجعلنى مصحا=وإن كان خلى بكى بقوم من حينى

حيل الله اقوا من الى يلبس الطرحا=ألـي تـربع غـلاها في شــراييـنى

حبيلها مثل أبن عدوان في وضحا=وألـي تـعـقبلـها تـسـعه وتسعيني

انحابها الوقت عن درب الهوا وانحا=ونوحي عليها مثل نوح المساجيني

في قربها يافلاح النفس منشرحا=وإن غاب عنها عشيري عزي لعيني

يفضحني الدمع من بين الملا فضحا=خـلا سـفيه الـعـرب يقول مسكيني

مبغى من الـنـاس لاذمـنٍ ولا مـدحـا=رضـى عـشيري عـليه بـس يكفيني

يـاحظ مـن قـابله بـسـنه السـمـحـا=لـرخصله الـعـمر والـي تملك يـديني

بنتٍ تخلي قـلوب أهل الهوا جرحا=ودي على قربها والبعد حاديني

لاشفتها من يديني طاحت السبحا=ماغيره أحدنٍ من الزينات يغريني

ياحيلة الشعر ويش اكتب ويش امحا=ياعنتره طينك بعبله مثل طيني

مير أنت وقتك بسيف ودرعٍ ورمحا=وأنا زماني زمن شيك وملاييني

كملي وأنا ادمح خطى بعض العرب دمحا=حشمت ناسٍ بعظها مايدانيني

كله على شان منهوا يلبس الطرحا=من شان عين الغضي تكرم مية عيني

شرحتلك يـافـلاح السـالفه شرحـا=أمـا تـجـي مـبـتسـم ولا تـعـزينـي[/poem]

صح لسانك ياناصر على القصيده الجزله

صح لسانك
حضور جزل ووافي

تقبل حضوري المتواضع
ظبيالجنوب

ناصر بن بداح

صح لسانك وصح قلبك

قصيده جميله وشاعرها جميل


لاهنت ولاهان هذا الحضور


مشهوووور....

ابو بداح ياسلام عليك

صح السانك ولاهنت

قصيده ماتحتاج كلام وافيه من شاعر وافي ومتمكن يعرف يروض المفرده ويضعها في مكانها الصحيح

لك تحياتي

ناشر العاطفي


اشكر لك مرورك الكريم

المبدع : ناصر بداح المطيري

صح لسانك ياناصر على القصيده الجزله من شاعر جزل

تقبل حضوري المتواضع

تحياتى

ياحيلة الشعر ويش اكتب ويـش امحـا
ياعنتـره طينـك بعبلـه مثـل طينـي
مير أنت وقتـك بسيـف ودرعٍ ورمحـا
وأنا زمانـي زمـن شيـك وملايينـي
كملي وأنا ادمح خطى بعض العرب دمحا
حشمـت نـاسٍ بعظهـا مايدانيـنـي
كله على شان منهـوا يلبـس الطرحـا
من شان عين الغضي تكرم مية عينـي
شرحتلـك يافـلاح السالفـه شـرحـا
أمـا تـجـي مبتـسـم ولا تعزيـنـي


يا ساتر يا ساتر يا ساتر

ان كا ما ذا الابداع اللي يقولون فعز الله ما عندهم راي

صح الله لسانك يا ناصر وبيض الله وجهك

تحياتي لا عدمتك

اخوك

صح الله لسانك يانقي



وافيه وأنت وافي




الله يرعاك

أنا ما أعزيك

أنا أهنيك بالمولوده الجميله هاذي ..

صـح لسـانـك

ولاهنت

وربي أبدعت

تقبل مرووري

أ
خ
و
ك

الاخ الشاعر المبدع : ناصر بداح المطيري
صح لسانك ياناصر على القصيده الجزله من شاعر جزل
وبيض الله وجهك ولاهنت على هالابيات الاكثر من رائعه


تحياتي

الاخت الغاليه

ظبي الجنوب

مشكوره على المرور العذب

تحياتي

ابو بداح


صح لسانك ملايييين


ومشكور على اتحافنا بهذه العذوبه الغير مستغربه



صح لسانك



تحياتي

الاخ شايع العيافي


مشكور على المرور الكريم

تقبل تحياتى

الشاعر حسن الوطري


مشكور على هذا المرور

تقبل تحياتي