!! .. جيل بلحالك .. وباقي جموع الجيل جيل .. !!

للتواصل

نص عساه يجمّلني في عيونكم ..

.

[poem=font="Simplified Arabic,4,#000000,bold,normal" bkcolor="" bkimage="" border="none,4,#400000" type=2 line=1 align=center use=ex num="0,#400000"]

الحياه أيامها دروس والدنيا عبر=كل ابن آدم على قاعها عابر سبيل

لو تعيش سنين وسنين آخرتك قبر=لو عمر الانسان مضمون .. مامات الخليل !

الجروح تروح لكن تبي عزم وصبر=استعن بالله والايمان والبال الطويل

وكل كسرُ وله بعون الله ويسره جبر=وادي الأفراح لو جف .. له يوم ويسيل

جبت لك من صدري أوراقُ ومن دمي حبر=بكتب الْكْ رْسالة ( الشوق في القلب العليل )

وان غيرك ماملك في مساحاتي شبر=نظرتينك .. نظره أحيا بها .. ونظره قتيل

مادخل بك رغم حسنك غرور ولا كِبِر=جيل بلحالك .. وباقي جموع الجيل جيل

يا أسمرٍ ماهوب كل أسمرٍ مثلك عَبَر=حد قلبِ .. في الهوى والوصل ماهو بخيل

خلّك بجنبي ولاتدق لظروفك خبر=لف كل الكون منتب معيّن لي مثيل

حط همّك فوق همّي وأنا عظمي جَبِر=والله ان آشيل عنْك الخفيّف والثقيل

صاملٍ في صافي الوقت ولآ في الغَبَر=لوتميل ( أجا ) و ( وسلمى ) لعينك ما أميل

ياكبيرٍ حبك وقدرك بقلبي كُبَر=مثل ماتكبر على الغيث أشجار النخيل

أعشقك وأفرح بشوفتْك ياظبي الخُبَر=لنّك أصلاً جزء منّي .. وبعطيك الدليل

لو يحلّل دم جوفي جهاز المختبر=والله ان يلقاك في العرق مع دمّي تسيل

ياحبيبي في انتظارك ولا باقي صبر=ينزف الخفّاق لك شوق .. وعيوني تخيل ![/poem]

.

سوالم

فهد

يسعدني اكون اول من مر من هنا وأستوقفه الأبداع

صح لساااااااااانك

وتقبل تحياتي

حط همّك فوق همّي وأنا عظمي جَبِر=والله ان آشيل عنْك الخفيّف والثقيل
صاملٍ في صافي الوقت ولآ في الغَبَر=لوتميل ( أجا ) و ( وسلمى ) لعينك ما أميل


فهد


صح لسانك وصح قلبك

قصيده وافيه ومن راس وافي

لاهنت ولاهان هذا الحضور الغالي

تقبل تحيتي

مشهووووور....

صاملٍ في صافي الوقـت ولآ فـي الغَبَـر
لوتميل ( أجا ) و ( وسلمى ) لعينك ما أميل



كفو ووافي وقصيدك له طراااااااااااااه


لاعدمنا وجودك يانقي



الله يحفظك

صح لسانك وعلا شانك يافهد
قصيده رائعه بروعة شاعرها

تقديري
ظبيالجنوب

مطر

نورتنا

حط همّك فوق همّي وأنا عظمي جَبِر=والله ان آشيل عنْك الخفيّف والثقيل
صاملٍ في صافي الوقت ولآ في الغَبَر=لوتميل ( أجا ) و ( وسلمى ) لعينك ما أميل


فهد


صح لسانك وصح قلبك

قصيده وافيه ومن راس وافي

لاهنت ولاهان هذا الحضور الغالي

تقبل تحيتي

مشهووووور....

وافي وافي

يابوفارس

عبدالله الزهيري

صح بدنك

صح لسانك وعلا شانك يافهد
قصيده رائعه بروعة شاعرها

تقديري