[poem=font="Simplified Arabic,6,#2E178E,bold,normal" bkcolor="" bkimage="" border="solid,4,#202EA5" type=2 line=0 align=center use=ex num="0,#400000"]
جرى البحث وُبلوتوث ياصاحب الجوال=يجيب وُيودي والمواقف .. (ا)بحزتها
خذيت وُعطيت وطابت النفس ياهذال=تجارب ونفسي ماتهاون .. (ا)بعزتها
سلامي على اللي مالها جاري الأرسال=ولا البحث والتخزين والحفظ خبرتها
ولا القائمه والضغط نجمه وُفتح اقفال=ولاكل مجموعة تفنن بنغمتها
ولاشيّكتْ .. دقه ودقه .. تبي تحتال=بطاقة سوى حتى تعبي شريحتها
ولاعسعست في باص الاجره اقفاي اقبال=لياعودة كل(ن) .. بثرها وساقتها
ولاكل صالة حفل تذكر مع الأزوال=ولاوصفو .. صبحيّة الحفل رقصتها
ولاحطت الكُورنيش عقب العصر مدهال=وهنود المطاعم ماعرفوا .. باب شقتها
ولاهي من اللي تلتفت لحظة المدخال=على أكتافها ماطاح طارف عبايتها
ولاهي من اللي لو حشيمه في حال وُحال=ليا .. مر .. سواق الشبح هز حشمتها
ولازودت من فوق حد الجفون .. (ا)ظلال=ولالونت عند الكوافير بشرتها
ولاصادقت بالجامعه مشغلات البال=ولا أستار أكاديمي تعرضه .. (ا)بغرفتها
ولافرطت .. بلسانها .. هرج قيل وقال=وراها خراب .. (ا)بيوت وافراق سبتها
ابوها يدوّر سترها .. ماطمع بالمال=يقلل مهرها مايتاجر .. (ا)بصفقتها
ابوها عقيد القوم والأم بنت رجال=على طاعة الله من صغر يوم ربتها
واخوها سنافي قرم .. مايشبه التمثال=عيونه وراها دونها لجل سمعتها
ولاترتخي يمناه في صبة الفنجال=يصون الدلال الصفر ويجيد صبتها
كريم وُشجاع وُسيرته سيرة الأبطال=دروب(ن) .. تهينه مايقرب .. إلّْحفْتها
وهي حبها بالقلب .. كان .. وبعد .. مازال=زرع ربي المعبود فيني محبتها
عفيفه .. جميله .. تعجز (ا)بوصفها الأمثال=اصيله عريبة ساس مصدر قبيلتها
أهذري .. بها .. واسبابها راح راح الحال=مفاتيح روحي عندها .. واستحلتها
أمر المكان .. اللي وجوده من الترحال=مداهيل .. كان وكان .. وايام شوفتها
أحاول اخفي مير دمعي .. ليا .. من سال=يجدد بي الأحزان .. وتميل كفتها
وتمر السنين ويطلع هلال بعد هلال=ومن المستحيل تعود والصعب رجعتها
تعرفون ليه ؟ .. أقول ترجع علي .. (ا)محال=لأن التراب اليوم من فوق جثتها [/poem]
جرى البحث وُبلوتوث ياصاحب الجوال=يجيب وُيودي والمواقف .. (ا)بحزتها
خذيت وُعطيت وطابت النفس ياهذال=تجارب ونفسي ماتهاون .. (ا)بعزتها
سلامي على اللي مالها جاري الأرسال=ولا البحث والتخزين والحفظ خبرتها
ولا القائمه والضغط نجمه وُفتح اقفال=ولاكل مجموعة تفنن بنغمتها
ولاشيّكتْ .. دقه ودقه .. تبي تحتال=بطاقة سوى حتى تعبي شريحتها
ولاعسعست في باص الاجره اقفاي اقبال=لياعودة كل(ن) .. بثرها وساقتها
ولاكل صالة حفل تذكر مع الأزوال=ولاوصفو .. صبحيّة الحفل رقصتها
ولاحطت الكُورنيش عقب العصر مدهال=وهنود المطاعم ماعرفوا .. باب شقتها
ولاهي من اللي تلتفت لحظة المدخال=على أكتافها ماطاح طارف عبايتها
ولاهي من اللي لو حشيمه في حال وُحال=ليا .. مر .. سواق الشبح هز حشمتها
ولازودت من فوق حد الجفون .. (ا)ظلال=ولالونت عند الكوافير بشرتها
ولاصادقت بالجامعه مشغلات البال=ولا أستار أكاديمي تعرضه .. (ا)بغرفتها
ولافرطت .. بلسانها .. هرج قيل وقال=وراها خراب .. (ا)بيوت وافراق سبتها
ابوها يدوّر سترها .. ماطمع بالمال=يقلل مهرها مايتاجر .. (ا)بصفقتها
ابوها عقيد القوم والأم بنت رجال=على طاعة الله من صغر يوم ربتها
واخوها سنافي قرم .. مايشبه التمثال=عيونه وراها دونها لجل سمعتها
ولاترتخي يمناه في صبة الفنجال=يصون الدلال الصفر ويجيد صبتها
كريم وُشجاع وُسيرته سيرة الأبطال=دروب(ن) .. تهينه مايقرب .. إلّْحفْتها
وهي حبها بالقلب .. كان .. وبعد .. مازال=زرع ربي المعبود فيني محبتها
عفيفه .. جميله .. تعجز (ا)بوصفها الأمثال=اصيله عريبة ساس مصدر قبيلتها
أهذري .. بها .. واسبابها راح راح الحال=مفاتيح روحي عندها .. واستحلتها
أمر المكان .. اللي وجوده من الترحال=مداهيل .. كان وكان .. وايام شوفتها
أحاول اخفي مير دمعي .. ليا .. من سال=يجدد بي الأحزان .. وتميل كفتها
وتمر السنين ويطلع هلال بعد هلال=ومن المستحيل تعود والصعب رجعتها
تعرفون ليه ؟ .. أقول ترجع علي .. (ا)محال=لأن التراب اليوم من فوق جثتها [/poem]
تعليق