[poem=font="Simplified Arabic,6,#000000,normal,normal" bkcolor="" bkimage="" border="inset,4,#400000" type=0 line=0 align=center use=ex num="0,#400000"]
هلا بك مرحبا عدّ المطر يا راعي الامثال=تصوغ من المثايل عقد جزلاتٍ معانيّة
حداني صوبكم حادي وانا في خاطري مثقال=عتابٍ من شهر و شوي على كبدي كما الكيّة
اجي لك عانيٍ يومك تراسلني على الجوال=واعوّد ما فلح مسعاي في عنوة و في جيّة
تحط من الحطب كومة وتجعل في المشب دلال=تقرّب ذي و تفهق ذي و ذيك هناك ممليّة
ولو ان الهوا ياصاحبي تمره معا فنجال=شبعت من التمر لكن شفوف النفس مبليّة
على شوفتك يدفعني غلاً فالقلب له منزال=ثمان سنين مع عشرٍ سكن وحماه محميّة
والى مني وصلتك فالوفا ياصاحبي لا زال=سلومي من جدودي لا نسا غيري عوانيّة
صحيح ان العمر ساعة يجاذبها غثا و اشغال=انا مقدّر و اسامح والعمر يا صاح عبريّة
مدام ان العمر فاني فخلك لي وسيع البال=وهاك من الضمير بيوت يالمنعور منقيّة
انا يومك طلبت الله تسوق المرسلات خيال=يعم ديار ربعٍ فزعت المضهود فالهيّة
أقول آمين رب البيت يا منزل رعد و انفال=تسوق من المزن نوٍّ صدوق الوبل وسميّة
انا شفي على رفقة نشاماً فاللزوم جمال=تشيل الحمل لا صدّت رخومٍ عند طاريّة
تنقى فالكلام العذب لا سمجٍ ولا بهزال=كلام قروم لا اوحيته ايا زينه و يا حيّه
تواعدنا و وجهنا مع الرفقه و طاب الفال=على الفكس آر يا محمد حلو ممشاه صبحيّة
على جيبٍ تتلّه تل في صحصح ونوب رمال=والى منه سرى مسيّان يا مبعد مساريّه
على قطع الخرايم ضاريٍّ لو هي عروق جبال=له عزومٍ تهد الصعب في وجهه مواريّة
وفي فعله و في شكله جزيل القاف له ينقال=ابن مدعث كفى في مدحته عن كل قافيّة
حلو تلّه معا ريعٍ نواويره زهر مشتال=نفلها مختلط مع شيحها و الطل غاشيّه
مطرها له ثمان ايام يسجدها كما الشلاّل=وشمسه غايبه عنه وفاضت به خباريّه
خلي من العرب ما جاه لا شاوي و لا جمّال=ولا به كون ام سالم تجاوب صوت قمريّة
تبارينا و حملنا ظهور جيوبنا باحمال=حموله تطلق الوجه ان عرض فالدرب دوريّة
حمولتنا معاميلٍ معا سمرٍ حطبه جلال=يشع الجمر لا هبّت على ضوّة شماليّة
مع دلالٍ صنع رسلان مربوبة وماها زلال=وملقامة تصالي النار جت سودا ومطفيّة
وهيلٍ من بلاد الهند في كيسة عليه اقفال=وبنٍّ من جبل خولان واسمه حب بريّة
وعودٍ يبهجك لا دار شارينه بغال المال=شحيح الكف ما يملك حشا مثله و لا زيّة
وهبّة ريح وانعامٍ شريناها من البقال=وجمسٍ في وسط حوضة عشر خرفان نجديّة
ودوّجنا عصيرٍ في فياضة والمطر همّال=نحنّة جرّة التاير يهشم العشب ماطيّة
خذينا فيه عشر ايام مقرونة بتسع ليال=وراحت مثل لمعة بارقٍ سودٍ لياليّة
وتم القاف يا محمد وصدري للعذر مدهال=من مشبب إبن عاصم الى محمد ابو ديّة[/poem]
هلا بك مرحبا عدّ المطر يا راعي الامثال=تصوغ من المثايل عقد جزلاتٍ معانيّة
حداني صوبكم حادي وانا في خاطري مثقال=عتابٍ من شهر و شوي على كبدي كما الكيّة
اجي لك عانيٍ يومك تراسلني على الجوال=واعوّد ما فلح مسعاي في عنوة و في جيّة
تحط من الحطب كومة وتجعل في المشب دلال=تقرّب ذي و تفهق ذي و ذيك هناك ممليّة
ولو ان الهوا ياصاحبي تمره معا فنجال=شبعت من التمر لكن شفوف النفس مبليّة
على شوفتك يدفعني غلاً فالقلب له منزال=ثمان سنين مع عشرٍ سكن وحماه محميّة
والى مني وصلتك فالوفا ياصاحبي لا زال=سلومي من جدودي لا نسا غيري عوانيّة
صحيح ان العمر ساعة يجاذبها غثا و اشغال=انا مقدّر و اسامح والعمر يا صاح عبريّة
مدام ان العمر فاني فخلك لي وسيع البال=وهاك من الضمير بيوت يالمنعور منقيّة
انا يومك طلبت الله تسوق المرسلات خيال=يعم ديار ربعٍ فزعت المضهود فالهيّة
أقول آمين رب البيت يا منزل رعد و انفال=تسوق من المزن نوٍّ صدوق الوبل وسميّة
انا شفي على رفقة نشاماً فاللزوم جمال=تشيل الحمل لا صدّت رخومٍ عند طاريّة
تنقى فالكلام العذب لا سمجٍ ولا بهزال=كلام قروم لا اوحيته ايا زينه و يا حيّه
تواعدنا و وجهنا مع الرفقه و طاب الفال=على الفكس آر يا محمد حلو ممشاه صبحيّة
على جيبٍ تتلّه تل في صحصح ونوب رمال=والى منه سرى مسيّان يا مبعد مساريّه
على قطع الخرايم ضاريٍّ لو هي عروق جبال=له عزومٍ تهد الصعب في وجهه مواريّة
وفي فعله و في شكله جزيل القاف له ينقال=ابن مدعث كفى في مدحته عن كل قافيّة
حلو تلّه معا ريعٍ نواويره زهر مشتال=نفلها مختلط مع شيحها و الطل غاشيّه
مطرها له ثمان ايام يسجدها كما الشلاّل=وشمسه غايبه عنه وفاضت به خباريّه
خلي من العرب ما جاه لا شاوي و لا جمّال=ولا به كون ام سالم تجاوب صوت قمريّة
تبارينا و حملنا ظهور جيوبنا باحمال=حموله تطلق الوجه ان عرض فالدرب دوريّة
حمولتنا معاميلٍ معا سمرٍ حطبه جلال=يشع الجمر لا هبّت على ضوّة شماليّة
مع دلالٍ صنع رسلان مربوبة وماها زلال=وملقامة تصالي النار جت سودا ومطفيّة
وهيلٍ من بلاد الهند في كيسة عليه اقفال=وبنٍّ من جبل خولان واسمه حب بريّة
وعودٍ يبهجك لا دار شارينه بغال المال=شحيح الكف ما يملك حشا مثله و لا زيّة
وهبّة ريح وانعامٍ شريناها من البقال=وجمسٍ في وسط حوضة عشر خرفان نجديّة
ودوّجنا عصيرٍ في فياضة والمطر همّال=نحنّة جرّة التاير يهشم العشب ماطيّة
خذينا فيه عشر ايام مقرونة بتسع ليال=وراحت مثل لمعة بارقٍ سودٍ لياليّة
وتم القاف يا محمد وصدري للعذر مدهال=من مشبب إبن عاصم الى محمد ابو ديّة[/poem]
تعليق