((( عذري الحب ))) ... حضور أول

يا مرحبا يا مطلق ...

صح لسااااانك مدد بلا عدد ...

تقبل مروري المتواضع ...


خالص مودتي ...

ابو راشد


تشرفنا بتواجدك


مصافحه رائعه وصح لسانك يالقرم


تقبل مروري

يامرحبا ترحيبت البدو بالسيل يابو راشد


وصح لسانك مليار ولايكفي على القصيده الجزله

الشاعر مطلق القعيمه



ارررررررررررررحب تراحيب المطر يابوراشد



وصح لسانك ملايييييييييييييييين



قصيدة رائعه من شاع مبدع ومتمكن



لك تقديري

[align=center]السلام عليكم ورحمة الله وبركاته

الإخوة والأخوات أعضاء وزوار منتديات النداوي العريقة ... تحية طيبة للجميع

هذه أولى مشاركاتي معكم وأتمنى لها ولصاحبها القبول بينكم

.[/align]


[poem=font="Simplified Arabic,5,#040E8C,normal,normal" bkcolor="" bkimage="" border="none,4,#400000" type=1 line=0 align=center use=ex num="0,#400000"]
مرت سنين وتغير كل ما فينا=حتى هوانا كبر معنا ولوعنا

كنا صغار كبار في هقاوينا=واعف واطهر غرام كان يجمعنا

كنا جميع وشرفنا ما يخلينا=وعن كل علم يدنسنا ترفعنا

لو عذري الحب يطعمنا ويسقينا=لا ما ضمينا على الدنيا ولا جعنا

ناخذ من ايامنا والعمر يعطينا =وعناية الرب تبصرنا وتسمعنا

ما كان شي مع هالناس يعنينا =الا متى بنتواجه لا توادعنا

كنا كذا وابسط الاشيا تسلينا=وشبر من الارض انا وياك ياسعنا

نكشف ظلام الدجى بانوار امانينا=وسوالف الشوق تدفعنا و تمنعنا

ما تذكرين اول اخلاف بماضينا=يومك زعلتي على سالفتي الرعنا

ما تذكرين العواذل يوم تطرينا =اللي سمعنا نصايحهم ولا طعنا

يذكرك بالخير يا ماضي ليالينا=كم ضاع من عندنا عقبك وكم ضعنا

انتي وانا واحد والجرح ثانينا=والهم والخوف ثالثنا ورابعنا

والغايب اللي على جياته وعينا=كان امس قدامنا واليوم يتبعنا

ان كان قصده على الفرقا يضرينا=حنا نشينا على الوصل وترعرعنا

مثل الجسد عضو وْ عضو تصافينا=من كان وده يفرقنا يقطعنا

تقسى ظروف الزمن والا تراعينا =والا علينا تجي والا تجي معنا

يبقى هوانا من اولنا لتالينا =اعز ما نملك وذروة مطامعنا[/poem]

[align=center].


وسلامتكم


.[/align]