رزقي على الله

الحقد يملى اقلوبكم ياملاعين

................... وماهمني مادام رزقي على الله

مادامني متوثقٍ بعروة الدين

..................... في كل وقت وحين دربي ادلــه

الحمل تبركله كبار البعارين

........................ وانا متوني كـل حملٍ تشــله

اقنب كما تقنب كبار السراحين

................... واشوم عن درب الردى والمذله

ولاهمني اعلومكم يامساكين

..................... ياللي لكم في تالي الوقت خــله

لوكان معكم مال فأنتم ضعيفين

.................... والمال مع بعض الرياجيل علـه

يكفيني اني من رجال كريمين

................... وفي مجلسي للضيف كيفٍ ودله

الطيب له عندي دروب وعنواين

..................... وارث علوم الطيب طبع وجبله

ولوكان ماني من رجالٍ عزيزين

......................... ماكان لي قدرٍ وهيبه مظـله

يشهد على فعلي رجالٍ موامين

....................... ولاهمني ناسٍ على غير مــله

ــــــــــــــــــــــــــــــ

مطلق

صح السانك

كلام نابع من القلب ويحكي موقف

بيض الله وجهك

ولاهنت

تقبل تحياتي

الحقد يملى اقلوبكم ياملاعين
^^^ وماهمني مادام رزقي على الله

كماعهتك يامطلق العتيبي شاعر حماسي وبركاني من الدرجه ((التسوناميه))

الله عليك يامطلق الوجه والفعل

الحمل تبركله كبار البعارين
^^^وانا متوني كـل حملٍ تشــله


وكفوا يامطلق معروف يابو سلطاااان ومايجحد طيبك الآمنافق او جاحد

رجل شهم وشجااااااااع ومن رجالٍ يشهد لهم التاريخ

قصيده كما هو شاعرها رائع ونقي

اخوك/مطر العضياني

صح الله لسانك يانقي




وافيه وأنت وافي



لاعدمنا حضورك المشرق


همسه في أذنك / اللعن هو الطرد والإبعاد عن رحمة الله وهومحرم وياليتك تجنبته .

الله يرعاك

الغالي مطلق العتيبي

صح الله لسانك

وسلم فكرك وبنانك

ولاهنت


لك تحياتي

الاخ خالد ابن اليتيم الاكلبي

ياهلااااا وغلاااااااا

وصح بدنك ولاهنت يالغالي

ودمت ودام حضورك .


تحياتي

كفو كفو يا مطلق

صح لسانك .. وقصيده غاضبه نوعا ما

لاعاد تطول الغيبات يا مطلق


سلمت يمينك وعلا شانك

تحياتي لك ..

الاخ الشاعر الرائع مطر العضياني

ياهلاااااااااا وغلاااااااااااا

ووجودك هنا فخر ياطويل العمر للقصيدة وراعيها .

وماعلاك زود يابوصالح . ودمت ودام تواصلك ز


تحياااتي