أخوي عوض بن شفلوت المناديه
صح لسانك واعتلا شانك
رايعه ووافيه من وافي
لك فائق احترامي وتقديري
-
يماري به اللي لا هرج مـا عليـه قصـور
وليدة بني عمـه لا سولـف علـى جـاره
وانا اشهد شهادة حق ما يخرج من الطـور
سوى اللي لا قدّر غيـره يضيـع مقـداره
ابوعبدالرحمن
صح لسانك ياقحطاني
مدح وفي اهله
ينومس كل طيب ويزوجع كل ردي
تجلا ابداعك يابو عبدالرحمن في هذا النص كما هي روحك في واقعها
لاهنت ولاهان هذا التجلي
مشهوووور...اترك تعليق:
-
ابن شفلوت وانعم ملايين
اببتعد وانا اخوك عن اسلوب المنتديات واعلق على رائعتك بطريقتي لشدتي اعجابي
وانت وربعك معروفين بالطيب و مجملين وميسورين ولاقين ما تمنيت من الطيب واكثر وانت مخبور ومنجز اللي تمنيته واكثر وشهادتي مجروحه ولكن الزمني الطيب اطريه
اعجبني ووصفك بكثرة الشعراء بزرقة المذكور وزرقة المذكور يا تكون شفقه او واسطه ..
مبدعنا عوض اسهبت في مدح الطيب من الناس ويستاهل ولكن تستاهل اكثر
اسف ان خرجت عن اطار المنتديات ولكن نصك اجبرني
تسلم يمينك ولاعدمناك
دمت بخيراترك تعليق:
-
----زرقــــة المذكـــــور ---
[align=center]اسعد الله اوقات الجميــــع
--- زرقــــة المذكور ---[/align]
[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
عساني مع اللي دايم مجمل ومستور=ليا قصرت اشبار الزمن طالت اشباره
ادوّر رضا مولاي وابعد عن المعثور=رفيق الرخاء اللي نيته تشقل اشواره
وعساني ما اوقف موقف العاجز المجبور=ولا امالح اللي تسبق يمينه يساره
وعساني ما اريّحها على ساقها المكسور=ليا ضاق حالي وقدّم الطيب اعذاره
وعساني ما اعدم اللي ما ينزع ولدهم شور=رجال ضعيّفهم يهوّد على ناره
بني عمي اهل الماقف البيّن المخبور=ليا صارت الغاره على ريحة الغاره
عيال الرجال اللي سهمهم يفج الزور=لو الوقت رجالٍ تعشوه بأخطاره
وانا شاعرهم اللي ما يقلّط على الميسور=يقلّط على شرد تنافس على افكاره
لو ان الشعر تالي يجوّر من اهل الجور=بعد كثروا الشعار وانهدت الشاره
فاذا صاروا الشعار اكثر من الجمهور=سلامي على الشعر الحقيقي وشعاره
فلا كل بيت من بيوت الشعر معمور=بعضها ليا هب الهوى هدّم اسواره
وبعضها ما يمنع صاحبه زرقة المذكور=لبيتٍ من بيوت المطاليق يختاره
وهو ما درا ان الشعر هجس وملاذ شعور =ليا دش قلب المنسجم يسبر اغواره
عموما .. تولي صيحة الديك فوق السور=اذا كان لولاها ما صلوا .. هل الحاره
انا طاريٍ لي المدح والمدح ماله دور=اذا كانت اطماعه تخفّى ورا استاره
ابخرج عن المألوف واجنّب المظهور=على شان اناظر للمباري بمنظاره
وابمدح صفات لو تحلّى بها المغمور=تعلّى السحاب بدون كبتن وطيّاره
يعيش .. الكريم اللي ندا راحته مخبور=ما يشكي غثاه الا صيانيه ووجاره
ما تلقى في طرف بيته ... بقايا غسيل قدور=مرق ذيك يطبخ ذي وماله لخطاره
لعل العدم ما يحور في يديه ... ولا يدور=ولعل الرخاء متربع في وسط داره
ويعيش .. الحليم اللي ليا خوجل المغرور=يخليه دون غروره يسوق كفاره
بهرجٍ لطيبه تنثني ركبة المطيور=وعقلٍ لثقله ينحني له جبل قاره
ويعيش الحكيم اللي علم حكمته منشور=على راس رجم ما درج فيه سباره
من يجالسه في مجلسه مكفي ومكبور=يرامه سكوته قبل منطوقه يذاره
على ايديه يصبح في علوم الظفر دكتور=قداوه لجيله في غيابه ومحضاره
مواقيفه اللي تلزمه كلها في النور=يبيّض له اللي ضيقته فكت زراره
مع الوقت علمه داخل الذاكره محفور=ليا ضاعت اذكار الردي .. ترسخ اذكاره
ويعيش .. الشجاع اللي يتشبح غزال الكور=عزومه على خوض الملمات جباره
صليب ما عمره راح له كبر راس ظفور=لو ان سالف الدنيا على الناس دوّاره
يماري به اللي لا هرج ما عليه قصور=وليدة بني عمه لا سولف على جاره
وانا اشهد شهادة حق ما يخرج من الطور=سوى اللي لا قدّر غيره يضيع مقداره
ولا يكسب صفه مما سبق سعيها مشكور=تخلي سماء طيبه على الارض مدراره[/poem]
اترك تعليق: