القدير عيسى الشاطري
كلي شكر لحضورك الكريم
لاهنت
-
السلام عليكم ...
شاعرة تتغزل بشعرها …بيها شي ؟لامابيها
[poem=font="Arabic Transparent,5,#000000,bold,italic" bkcolor="" bkimage="images/toolbox/backgrounds/42.gif" border="none,4,#400000" type=2 line=0 align=center use=ex num="0,#400000"]
قلت قلبي قال بيدينٍ امينه=قلت واسمي قال من دونه رجال
قلت واهلي قال مجدٍ خابرينه=قلت ربعي قال ماضين الفعال
قلت عذّالي؟ ضحك، قال الغبينه=قلت غيري قال ماعندي مجال
فتّق ضلوعه وشرّع لي يدينه=وانعطفت اضمه بصدر الشمال
كل ما عزّم يروح المح حنينه= ثم امد يديّ واهمس له تعااال
ان قلط يقلط على جنب السمينه=وان عبر تخضع له خشوم الدلال
من دواعي فرحتي لاصك عينه=واستباح بنشوة الصمت المقال
في فمه كل الحروف تصير زينه=وفي فمي تذبل سواليف الدلال..!
حط ربي جنه ونار بيمينه =وحطني طفلة حرامه والحلال
والهنوف اللي سرايرها دفينه=خيّمت غصبٍ على عرش الجمال
حوّلتهن عنه واجتاحت خزينه=وْلبست بنت الأصل تاج الجلال
إيه ياشعري تفرّد بالسفينه=البحور السبع بيدينك زلال
كم سهرت احماك عن هتك الحصينه=يوم بنت اللاش تشريك ... ابريال..!
وكم كسيتك بالجلابيب الثمينه=لين صرت بعينهم شمس الزوال
علم اللي باح من غله كنينه=بإن شعري راسيٍ مثل الجبال
فكرةٍ عذرا ومظهرها حزينه=يعتصرها الجرح وضياق الليال
حزنها طاهر ودمعتها رزينه=وخدهابرقٍ كشف قبله.. وسال
ياقصيدي والفخر متوارثينه=من جدود ومن عمام ومن خوال
اسمي اسما من ركب فوق السفينه=دام دونه تفتل اشناب الرجال..![/poem]
وسلامتكم ..
كبرياء
مالك عايب يالسنافيّة
فخر باللابة وإعتزاز بالنفس وإختيال بالشعر لافض فوك
تحياتياترك تعليق:
-
فتّق ضلوعه وشـرّع لـي يدينـه
وانعطفت اضمـه بصـدر الشمـال
كل ما عزّم يـروح المـح حنينـه
ثم امد يديّ واهمـس لـه تعـااال
ان قلط يقلط على جنـب السمينـه
وان عبر تخضع له خشوم الـدلال
من دواعي فرحتي لاصـك عينـه
واستباح بنشـوة الصمـت المقـال
في فمه كل الحروف تصيـر زينـه
وفي فمي تذبل سواليف الـدلال..!
ابداااااااااع غير مستغرب من كبرياء الشعر
صح لسانك
ابيات تداعب عروق الذات الشعرية
تحياتياترك تعليق:
اترك تعليق: