[poem=font="Simplified Arabic,4,#000000,normal,normal" bkcolor="" bkimage="" border="none,4,#400000" type=0 line=0 align=center use=ex num="0,#400000"]
بلاه القلب ينسى والزمن ماينصف العشاق= وترى الاحباب تعذر بعضها وتخاف وتداري
ادور لك عْذر وأغفـَل عن اخطـائـك على الاطـلاق= وتــدور لي خطأ وتضيّق بي وتشك بـ اعذاري
يـا اقـرب من عيوني للنظر ! والرمش للأحداق ! = ويـا اقرب من خفوقي للعروق ! ودمها الجاري
تعبت .. اقول أحبـك وانت لاتعشق ولا تشتاق !! = وتعبت اشكي بعادك وانت تركض داخل اسواري!
وانا لولاك ماكنت الحزين/الموله/المشتــاق= اضيّق بكل شي يطيب لي ..وابكي على الطاري
ولا احلى منك واغلى منك وادفأ منك فـ الاعماق! = ولا اذكى منك ! وادهى منك وانت تشتت افكاري!
ذكرتك ليلة البارح .. وجفني من منامه فـاق = وتمنيتك تحس بلوعتي لا ضاعت اشواري
شكيت مفارقك ياسمي الذباح والترياق !!= ذبل في مهجتي كل الخضاار ! وجفت انهاري !
ولا تحسبني بـ ادور عذر لاضاقت بي الافاق = اسلّم لله امري واحتسب واصبر على اقداري
اعرْف انك : شقـاي ولوعتـي ولفرحتي سراق= ولكني عشقتـك وانت تطلب فالغلا ثاري !
تـعــال وخْـذ بثـارك صـرت لطعون الغلا تـواق = فديت يمينك اللي جرحـها ما قـل مقداري
ما احد قبلي : يحن لقـاتله ويبادله (لا شواق)= ولا مثـلي محب في طعـون احبابه يمــاري !!
هذا حــالي ولا تشره عـلي لو شفت صدري ضـاق = انا صاحبك لو تاهت خُطــاي وطال مشواري[/poem]
بلاه القلب ينسى والزمن ماينصف العشاق= وترى الاحباب تعذر بعضها وتخاف وتداري
ادور لك عْذر وأغفـَل عن اخطـائـك على الاطـلاق= وتــدور لي خطأ وتضيّق بي وتشك بـ اعذاري
يـا اقـرب من عيوني للنظر ! والرمش للأحداق ! = ويـا اقرب من خفوقي للعروق ! ودمها الجاري
تعبت .. اقول أحبـك وانت لاتعشق ولا تشتاق !! = وتعبت اشكي بعادك وانت تركض داخل اسواري!
وانا لولاك ماكنت الحزين/الموله/المشتــاق= اضيّق بكل شي يطيب لي ..وابكي على الطاري
ولا احلى منك واغلى منك وادفأ منك فـ الاعماق! = ولا اذكى منك ! وادهى منك وانت تشتت افكاري!
ذكرتك ليلة البارح .. وجفني من منامه فـاق = وتمنيتك تحس بلوعتي لا ضاعت اشواري
شكيت مفارقك ياسمي الذباح والترياق !!= ذبل في مهجتي كل الخضاار ! وجفت انهاري !
ولا تحسبني بـ ادور عذر لاضاقت بي الافاق = اسلّم لله امري واحتسب واصبر على اقداري
اعرْف انك : شقـاي ولوعتـي ولفرحتي سراق= ولكني عشقتـك وانت تطلب فالغلا ثاري !
تـعــال وخْـذ بثـارك صـرت لطعون الغلا تـواق = فديت يمينك اللي جرحـها ما قـل مقداري
ما احد قبلي : يحن لقـاتله ويبادله (لا شواق)= ولا مثـلي محب في طعـون احبابه يمــاري !!
هذا حــالي ولا تشره عـلي لو شفت صدري ضـاق = انا صاحبك لو تاهت خُطــاي وطال مشواري[/poem]
تعليق