/+/+/ ((( فلســـفـــه ))) /+/+/

السلام عليكم ورحمة الله وبركاته

مشاركة متواضعة للتواصل[poem=font="Simplified Arabic,6,#001CFF,bold,normal" bkcolor="" bkimage="images/toolbox/backgrounds/14.gif" border="double,10,#400000" type=2 line=0 align=center use=ex num="0,#400000"]
شفت الغيوم من التبخر لـ/التكثف لـ/الهطول = الدوره المائيه اللي في كتاب المدرسه
وشفت الورود من البذور اليا التفتح لـ/الذبول = ورده حزينه ذابله . واخرى سعيده معرسه
وشفت إختلاف أذواقنا والرفض فينا والقبول = احد(ن) كلامه سم . واحد (ا)يتكتكه و يهندسه
وشفت العداله والجهاله والتعصب والميول = وشفت التواضع والتكبر والغلو والغطرسه
وشفت الشدايد والمهمات العسيره والحمول = احد(ن) زمانه دلعه . واحد(ن) زمانه يفرسه
احد(ن) خدمه الحظ . واحد(ن) حط في كبده فعول = هذا يطيح وما يقوم . وذا حظوظه تحرسه
يعيش راس الكارثه لا طاحت سروج الخيول = أمّا صهيل وعز . ولاّ نوم ذل ودنفسه
إما خذيت بساعدك حقك توطتك الرجول = ما يرجّع الحق الخضوع السرمدي والوسوسه
إرفع مقامك لا يجي بين المواطي والنعول = ومن لا يكرم لحيته تحلق وتجعل مكنسه
احد(ن) حضوره من عدم ما له مع اهل الطيب قول = اكبر طموحه مطعمه ثم مشربه ثم ملبسه
واحد(ن) على ما قيل لا منه حظر قول(ن) وطول = العمر كله ناذره للمرجله ومكرسه
شفت إختلاف الوقت هذا والمواسم والفصول = محد(ن) جنى غير الذي بالأمس بيده يغرسه
وشفت الوريد الأورطي والقلب الأبيض والعقول = القلب الابيض للبياض . القلب الاسود منجسه
وفزيت من نومي وانا اقول اختلف ولاّ مهبول؟ = ثم استعذت من الرجيم . وصار حلم وهلوسه
إلاّ على فكره . أنا وش لي ولـ/ أنصاف الحلول = العرق الاكحل بقطعه . دام التلوث دنسه
ولاّ السحاب من التبخر لـ/التكثف لـ/النزول = معلومه ومرت علينا في كتاب المدرسه [/poem]

وسلامتكم

اخوي الغالي عبدالله

صح الله لسانك و اعتلا شانك

قصيدة جزله بحق و لا تستغرب من شاعر في مقامك و قدرتك الشعرية المتميزة

لاخلا ولا عدم

تحياتي

اخوك

عبدالله


صح لسانك ولاعجمت

قصيده وافيه ومن راس وافي


لاهنت ولاهان هذا الحضور


مشهوووور.....

صح الله لسانك


وافيه وأنت وافي



لاعدمنا حضورك المشرق



الله يرعاك

ارررررررررررررحب يابونواف



وصح لسانك ملاييييييييييييييين




قصيدة رائعه ومحكمة من شاعر متكن



لك احترامي

قصيدة في قمة الإبداع والتميز

تمكنت يابو نواف من الحبك والسبك

وابدعت جداً في تركيبة الإبيات والربط الجميل جداُ بين الأبيات
وكذلك توظيف جميل لخدمة النص بشكل رائع وراقي


نص فاخر جداً ولا يستغرب من شاعر كبير كحجمك


تحيتي

صح لسانك ونص وافي وأنت مصدر الوفاء

اخوي الغالي عبدالله

صح الله لسانك و اعتلا شانك

قصيدة جزله بحق و لا تستغرب من شاعر في مقامك و قدرتك الشعرية المتميزة

لاخلا ولا عدم

تحياتي

اخوك

ارحب

يا مشبب

صح بدنك

اكبر شرف لي مرورك انت واللي مثلك وشرواك

وهذا هو المكسب الحقيقي من نشر الشعر

تقبل فائق التقدير والإحترام

أخوك