Tweet
السلام عليكم ورحمة الله وبركاته اعزائي احببت المشاركه وافتخر بها خصوصا بين كوكبه من الشعراء المبدعين وانا هنا اتعلم منكم
لا لا تشيل الهم يا محاتي الهم=اصبر على جور الزمن والليالي
شفت الغريب وتهمته كانت الدم=مرت علي ايام باحساس جالي
وشفت اليتيم وفاقدٍ حلوة الضم=احساس عشته بس موقف خيالي
وشفت الكريم اللي تجمل لقى ذم=راح الجميل وجاه جحد وتعالي
وشفت الفقير وثروته راحت لعم=ظلمٍ حضرته وانتهى بانفعالي
وشفت الغدر بيدين من قلت له سم=صدره علي يضيق وصدري شمالي
وشفت الحبيبه تاخذ الورد ل الشم=ياما ورودً داسها الكذب تالي
وشفت العطش يا صاحبي باسفل اليم=حرمان عشته مالي اليوم غالي
احزان ماجد عشتها انواع مع كم=وسنين واجد عايشٍ ضيق بالي
بس الهموم تهون ويهون بي غم=لاصار جنبي رب عز الجلالي
وحده ملاذي لاصبح الهم بي جم=الحمد له دايم على ما جرى بالي
وابغاك مثلي تحمد الرب لا تم=خيرٍ طلع او شر فالك وفالي
والحين عيش الوقت وانساه من هم=الريح ما تفهم ميول الدوالي
وسلامتكم
تعليق