الشعرديوان العرب ...!!

يا بنت حزني والهواجس كثيرة
أبحرت ببحور وتغربت بديار
الحرف دربي باليالي المريرة
صهوة جوادي امتطيته بالأسفار
من قبل هيفا الغيد وإلا منيرة
ومن قبل عرفك ارتوي مزن الأشعار
الشعر ديوان العرب يا صغيرة
فيه الهواوي وللصعاليك مشوار
فيه السفيه اللي يشب السعيرة
ولايقدي ناظره لاهب النار
وفية الملوك وفيه بالشعر أميرة
وفية الذي معروف جهبذ ومغوار
قريت للشعار من عصور غبيرة
وفي عصرنا الحالي أعجبني إكثار
ماكل شاعر عذب صافي غديره
يموت تذبل أحرفه مالها أذكار
واحد حروفه كالبحور الغزيرة
يموت ما ماتت حكم صاغها أفكار



يبقى مخلد وتقتدي به مسيرة
جيل بعد جيل حفظ له أخبار
وان قلت وان ما قلت هرجي قصيرة
الشعر معنى إحساس وخيال وأسرار
تلقين فيه من الهجوس الكثيرة
ترمز لهم طموح وامجاد لديار

وان قلت وان ما قلت هرجي قصيرة
الشعر معنى إحساس وخيال وأسرار
تلقين فيه من الهجوس الكثيرة
ترمز لهم طموح وامجاد لديار

عبدالعزيز

صح لسانك وصح لقبك

قصيده وشاعر فوق الوصف


لاهنت ولاهان هذا الحضور


تقبل تحيتي




مشهوووور....

لاهنت يالقرم على هذه الابيات الجميله


صح الله لسانك وبيض الله وجهك


تقبل مروري اخي الغالي


ارق التحايا

صح الله لسانك يانقي



وافيه وأنت وافي



لاعدمنا حضورك المشرق



الله يرعاك

اخوي عبدالعزيز



القصيده جميله ولاكن البيت الرابع فيه ثقل ويحتاج صياغه اجمل



كذلك البيت السابع فيه تغيير من بحرالقصيده لبحر آخر


وا رجو ان تتقبل نقدي من شخص يحب لك الاجمل