عنـقود عنـقود !!

[poem=font="Simplified Arabic,5,#000000,normal,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
هلا مرحباً مليون يا سعود = يا عون الرفيق ويا سلاحه
تنـشـّدك عنـّي مكسب وزود = وغيرك تنشــّاده بجاحه
أنا يا طويل العمر موجود = أحسب المسافه والمسـاحه
وأميّـز مابين البيض والسود = ومابين وقفه وإنسداحه
أشم الهوى وأصافق النود = وأشوف الجبل مثل البراحه
وأدوس المخاطر وأنطح الكود = وللصـدر ضيقه وإنشراحه
أقابل زبون الجود بالجود = وأحب التسامح والصراحه
كلامي عليه إثبات وشهود = مصدّق من أصحاب السماحه
كذا يا سعود سهود ومهود = لذا يا سعود البعد راحه
سعاده بدون شروط وقيود = ومن صاح ما أشغلني صياحه
على كل حال الحبل مشدود = مع أهل الرمايه والسباحه
تسوق الحميّا سايق الذود = ومسراحه أبرك من مراحه
كذا وقتنا صايد ومصيود = ويجمح ومن يكبح جماحه
هنا سفك دمّ وريح بارود = هناك البلوت والإستراحه
هنا نفش عفش ونتش عبرود = هناك ألف مكتب للسياحه
زيود اليمن ماعدهم زيود = مخالط هماج الما قراحه
على سالفة حاوي ومردود = سرى الليل من باب الوقاحه
جمع كل هندي خمسة هنود = وجـرّح دكاترة الجراحه
تلغوى وكنــّه يقضم حيود = تفيصح ولاعنده فصاحه
يدف المروّس عازف العود = يدفــّه ولا يضمن نجاحه
مغنــّي الطرب والعالم رقود = عسى الله لايسعد صباحه
بداية تفرعن كل مقرود = تسجـّل نهاية كل ساحه
سلامي على اللي قادها قود = عرف ويش جدّه من مزاحه
يداوي كبود ويلهد كبود = ويمتاز عقله بالرجاحه
ولد والولد قـدّامه العود = رسم له وهو يعرف صلاحه
تمركازته في عالي الطود = وللنايفه ستـــّل جناحـه
يغيب وغيابه عنه منشود = ولا يتــّشح غيره وشاحه
وأنا ياسعود أروح وآعود = مكافح عسى يثمر كفاحه
ولا همنـي لو كنت محسود = لي أرضي ولاهي مستباحه
قطفت العنب عنقود عنقود = بلاش إغتباقه وإصطباحه
طبيعي وأجنـــّب كل منقود = ولا أسير في درب الشفاحه
أحدد علومً مالها حدود = لو إن كل فرصه لي متاحه
على شان أجي وآروح ياسعود = وأحسب المسافه والمساحه [/poem]

كذا يا سعود سهـود ومهـود
لذا يا سعـود البعـد راحـه
سعاده بدون شـروط وقيـود
ومن صاح ما أشغلني صياحه


ناصر الاحمري

صح لسانك مدد لا عدد

كان لي حظ المصافحة الاولى لهذه الفاتنة

صح لسانك مرة اخرى

وتقبل فائق تحياتي لجنابك .

يا سلام يا سلام يا احمري

اشهد بالله انك ابدعت و اجزلت

لا خلا ولا عدم

تحياتي

اخوك

زيود اليمن ماعدهـم زيـود
مخالط همـاج المـا قراحـه
على سالفة حـاوي ومـردود
سرى الليل من باب الوقاحـه
جمع كل هندي خمسة هنـود
وجـرّح دكاتـرة الجراحـه
تلغوى وكنّـه يقضـم حيـود
تفيصـح ولاعنـده فصاحـه
يدف المروّس عازف العـود
يدفّـه ولا يضمـن نجـاحـه
مغنّي الطرب والعالـم رقـود
عسـى الله لايسعـد صباحـه
بداية تفرعـن كـل مقـرود
تسجّـل نهايـة كـل ساحـه


صح لسانك ياناصر
دائماً تسبح لك بحور تضيّع اللي مايضيع

تحيتي لك

يا سلام يا سلام يا احمري

اشهد بالله انك ابدعت و اجزلت

لا خلا ولا عدم

تحياتي

[align=center] (زيود اليمن ماعدهـم زيـود)؟؟؟
صح لسانك مليون وقلبك ياخوي /ناصر الاحمري
ترابط
حبك
سب
الله يعطيك العافيه ويسلم عقلك النير[/align]

صح لسانك يابو يحيى

وافيه ومن راس وافي


لاهنت


مشهوووور....

كذا يا سعود سهـود ومهـود
لذا يا سعـود البعـد راحـه
سعاده بدون شـروط وقيـود
ومن صاح ما أشغلني صياحه
على كل حال الحبل مشـدود
مع أهل الرمايـه والسباحـه
تسوق الحميّـا سايـق الـذود
ومسراحه أبرك من مراحـه
كذا وقتنـا صايـد ومصيـود
ويجمح ومن يكبـح جماحـه


صح لسانك يا ناصر

شعر حقيقي وشاعر يحسب له الف حساب

تحياتي وتقديري

صح الله لسانك يانقي



وافيه وأنت وافي



لاعدمنا حضورك المشرق



الله يرعاك