ماعاد لدنيا طعم

السلام عليكم ورحمة الله وبراكاته

مساء الخير والسرور لمنتدى النداوي عامه واللأدارة خاصه فأرجو أن تحوز مشاركتي على إعجابكم ولأ أطيل عليكم
فخير الكلام ما قل ودل



ياعين أنا برجيك لا تبهذليني

كثر الدموع اللي على الخد كفيه

يكفيك ماقد مرني في سنيني

دهرِ ليا من دار ثقل موطيه

لو تعلمين بحالتي ترحميني

حالي به اللي عنك يا عين يكفيه

أضحك مع العالم وقلبي حزيني

والحزن والغربال بانت مواريه

وهمي يباريني وزود ونيني

عزاه ياقلبٍ همومه تباريه

تصبري لعل ربي يعيني

والله ما يقطع رجاء من رجاء فيه

قالت ببكي فاقده والديني

ماغيرعم أحدٍ ليا ما ت ببكيه

من غيرهم ينثر علي الحنيني

ومن غيرهم من بدت الناس بغليه

من غيرهم يسكن في جفني وفيني

ومن غيرهم من بين ذا الناس بوفيه

وما عاد لدنيا طعم لو تزيني

في عرضها ماعاد به شيٍ أبغيه

جعل العمى اللي صاب غيري يجيني

حتى الدمع في داخل الجفن أخفيه

ماعاد أشوف فلان في أمه يزيني

وليل دعاه أبوه يسعى يلبيه

قلت أقنعي وشفيك ما تقنعيني

شي كتبه الله علينا نلاقيه

شي ٍ كتب من قبل نخلق بطيني

ورضي بوقع القدر مره وحاليه

الموت ما عنه مفر صدقيني

ولكل شخص يوم لابد يأتيه

هم وينهم أهل الزمن الأوليني

راحو بدرب كل ذا الكون ماشيه

راحو وحنا خلفهم رايحيني

والحظ للي يقابل الرب مرضيه

واليوم يا عيني على ما تبيني

لشاكي للهم ولا ني باكيه

صــــــــــح الله السانك ولاهنت



تحياتي لك

مرحبا أخ كريم وعضو جديد


ومرحبا بشعرك


صح الله السانك

قالت ببكي فاقده والديني

ماغيرعم أحدٍ ليا ما ت ببكيه

من غيرهم ينثر علي الحنيني

ومن غيرهم من بدت الناس بغليه

سابر

صح لسانك

قصيده طيبه تبشر بقدوم اطيب


لاهنت


مشهوووور...