((لا سلام ولا كلام ))

[align=center]السلام عليكم

العذر منكم والسموحة على الإنقطاعة بالفترة الماضية لظروف العمل

ولكن يشهد الله ان النداوي بما فيه من مشرفين وأعضاء فالبال والمنسي غيركم

إقبلوا المتواضعة عسى ان تعجبكم وتكون بقدر البطا....

بسم الله[/align]




[poem=font="Simplified Arabic,5,undefined,normal,normal" bkcolor="" bkimage="" border="none,4,#400000" type=0 line=1 align=center use=sp num="0,#400000"]

يالله عفوك دلني للنور لا ساد الظلام=الدرب موحش والليالي ماوضح مضمونها
لي عام وركاب القصيد تحن مرهقها الحيام=واليوم روين من قراح العد ملي بطونها
يا ما من سنين ٍ مضت لي يومها بحساب عام=إتقول كن القاع ضاقت بي بكل ركونها
إن جيت أبنساها يذكرني بها صوت الحمام=من شجرةٍ غنا حمام الدوح فوق غصونها
ولا يهيض شاعر ٍ غنا على الدنيا السلام=كود البروق اللي على الظامي تشح مزونها
يامسهر عيوني على رجوى مواصيل الغرام=إحرص عباد الله لاترخص دموع عيونها
اللي لوجه الله تسخيها تراويح وقيام=وإلا لفقيدٍ صورته بالعين ما ينسونها
بأودعك ليل الشتا كيفك..تبي تسهر.. تنام=أنا إعتبرتك عون نفسي وأنت منت بعونها
أشقيتني وأنت يتمركا راسك بريش النعام=ولا زلت أنا اللي بين فكيها وبين سنونها
خليت جفني للسهر والليل وأخطاه المنام=في ليلةٍ باحت معاليق الصدر مكنونها
يسامحك ربي على الهجران والصدة مدام=باقي لك بعيني غلا ماحولته جفونها
أنا أشهد إن لك طعنةٍ توغلت بين العظام= من حربةٍ مبطي وأنا متحسبٍ لطعونها
أكذب عليك إن قلت لك حالي على أحسن مايرام=روّح ولا تنشد على حالي ولا وش لونها
((هذي سنة والكل منا لاسلام ولا كلام=ياعظمها لو إنها في خاطرك ياهونها))
خيرك كثير ولا على مثلي ولا مثلك ملام=عز الله إن هذي هي الدنيا وذا قانونها[/poem]





[align=center]
وسلامتكم[/align]

فهد الزعبي


صح الساااااااااااانك مليون جزلة من جزل



دمت ودام تؤاصلك

فهد صح لسانك
وعلا شانك


وافية وانت وااافي

قصيدة جزلة يالغااالي

وعودا حميدا يا قرم

لك التحية

إن جيت أبنساها يذكرني بها صوت الحمام ... من شجرةٍ غنا حمام الدوح فوق غصونها
ولا يهيض شاعر ٍ غنا على الدنيا السلام ... كود البروق اللي على الظامي تشح مزونها

الله الله يا فهد
صح لسانك مليون
وعودا حميدا بعد هالغيبة

إن جيت أبنساها يذكرني بها صوت الحمام

... من شجرةٍ غنا حمام الدوح فوق غصونها

ولا يهيض شاعر ٍ غنا على الدنيا السلام

... كود البروق اللي على الظامي تشح مزونها


يا سلام عليك يا سلام

صح الله السانك

فهد الزعبي

صح لسانك لين ترضى

هذا الشعر وهذا الشاعر

بيض الله وجهك ودام تواصلك...

هذي سنة والكل منا لاسلام ولا كلام=ياعظمها لو إنها في خاطرك ياهونها))
خيرك كثير ولا على مثلي ولا مثلك ملام=عز الله إن هذي هي الدنيا وذا قانونها


ارررررررررررررررحب يابوعبدالله



وصح لسانك ملاييييييييييييييييين



تشرفت بسماعها منك شخصيآ



تقبل تقديري

أرحب أرحب يافهد مليون



مكانك في القلب مهما أبطيت



سعدت جداً بحضورك المشرق



صح الله لسانك وحفظك

الأخت رفأ الشموس
صح بدنك ... وشكراً على المرور الكريم

تحياتي..

الأخ محمد بن صقيران

صح الله بدنك وماعليك زود

وشكراً على مرورك الكريم

تحياتي ...

محمد بن سحوب

أرررحب يابو عبدالله

صح الله بدنك والله لايهينك على المرور الدائم

لاعدمتك..

الأخ محمد السالم
صح بدنك
أسعدني مرورك الغالي

تحياتي ...

الأخ سعود الدهيمي

صح بدنك والله لايهينك

شكر لك مرورك الكريم
تحياتي لك

أكذب عليك إن قلت لك حالي على أحسن مايرام = روّح ولا تنشد على حالي ولا وش لونها

((هذي سنة والكل منا لاسلام ولا كلام = ياعظمها لو إنها في خاطرك ياهونها))


يضيء بنورك ديجور العتمة فيتجلى الصباح متألقا

انت متألق يافهد بكل جديدك وحضورك

وكريم بما تجود به دائما علينا

وحق لنا عتابك لإنك أطلت الغياب.

لله درك مبدع بكل حالتك

وصح لسانك

تقديري

أنا أشهد إن لك طعنةٍ توغلت بين العظاممن حربةٍ مبطي وأنا متحسبٍ لطعونها
أكذب عليك إن قلت لك حالي على أحسن مايرامروّح ولا تنشد على حالي ولا وش لونها


ابو عبدالله

صح لسانك وصح قلبك


قصيده وافيه ومن راس وافي


لاهنت زلاهان هذا الحضور

مشهووووور...