الــصــدفــــــه

الســـــلا م عليكــــــم ورحمـة اللــه وبركاته يسـرنـي أن أقـدم لكـم هـذه القصيــدة المتواضعة والتي حررت بتاريخ 16/9/1427هـ وهــــي بعنـــوان ((( الصدفـــه ))) وهي أول مشاركة لي معكم آمل أن تنال إعجاب إخـوانـي أعضاء المنتدى

((( الصــــدفــــه )))

يابنت أنا شفتك على الباب بالصدفـه

مثل الغزال إليا مشت تشرح البالـي

وش ذا الجمال اللي شغل فكري ولفه

لفّة دواليب الهوى في صحصحٍ خالي

صدفه نظرتك عسا تتكـرر الصدفـه

ومن الخجل أخفيتي الوجـه طوّالـي

شعرك خصايل إلى حد القـدم حَفّـه

أسود طويـل تحـدر كنّـه حبالـي

يا أبو عيونٍ هدبها لو أبـي وصفـه

ليل سواده يسـم الـروح والحالـي

مأحلى العيون اللي بغلاها ترجَح الكفّه

تَرجح موازين الغلى الأول مع التالـي

خصرك نحيل عليـه محيزمـه لفّـه

لفّة أعنان الفرس في يديـن خيّالـي

للقلب شفٍ وفيكم يا الغضـي شفّـه

ألله لا يحرمـه مـن شفّـه الغالـي

الولف مايسلا ياروح الروح عن ولفه

وإن ما حصل شوفكم اليوم عزّا ليـى

عزّالله أني كما اللي على حافة الطفّه

أما وقع فالقـاع ،أو صكـه الجالـي

مــــــــــــــــــــــــــع تحيـــــــــــــــــــــــات
H
هـــــــــــــــــــاجس نجــــــــــــــــــــــــــد

الغالي سعد



شكرا لحضورك وطرحك


ولكن ارجو ان تترك المجال للنص الاول حتى ياخذ حقه من الردود والقراءه


لانك كذا تشتت المتلقي


شكري وتقديري

الغالي سعد

صح الله لسانك

ولاهنت

وسلم فكرك وبنانك

لك تحياتي

الصدفه

الأخ العزيز / حسين الحبابي

أشكرك على حضورك وتوجيهاتك القيمه

تقبل تحياتي وتقديري

أخــــوك

سعـد بن عبد الله العبيد

الصدفه

الغالي سعد

صح الله لسانك

ولاهنت

وسلم فكرك وبنانك

لك تحياتي

شاعرنا الغلي / مناور بن هاجد

صح بدنك وبيض الله وجهك

تسلم يالغالي لا هان رأسك

أسعدني حضورك واطلالتك

نورت الصفحة وعطرت القصيدة بمرورك وإعجابك

تقبل ودي وتقديري لشخصك الكريم

أخـــوك

سعـد بن عبـد الله العبيــد