هارون الرشيد !!!

السلام عليكم ورحمة الله وبركاتة


صباح الخير


قصيدة أتمنى قبولها ..


صلو على النبي
.


.


.

[poem=font="Simplified Arabic,5,undefined,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]
جعل نور العين عمره / على الدنيا مديد=وجعل ربي يرزقه بالعطايا كلها

يوم أشوفه ... يقضي اليوم خفاقي سعيد=غيبته فاطنلها ... والسما فاطنلها !

ضاق بحر الشعر ... ونساق لي عذب القصيد=من هجوس الفكر يوم الحروف أحتلها

والبلا بالحب ... لاصار لك خلٍ عنيد=يتعب النفس الشقيّه ... ونفسه فلها

ذقت أنا من دلة الشوق فجنالٍ فريد= زل دلة هيلك اليا أرتهى لي ... زلها

من عرفت العلم ... قلبي على الدنيا زهيد=مير من شفتك ... وأنا الروح زايد غلها

أرحم اللي جا من أقصاه ... يالقلب البليد=( لارحمت العين زولك ترى محتلها )

صدفةٍ لاعادها الله ... عساها ماتعيد=وجعلها ماتصدف أصحابنا وتعلها

من عيونٍ تتعب الحال ... لو أنك شديد= من تشاهد عينها ... ضحكتك ترسلها

عينها اليمنى ... بها سيف هارون الرشيد=والرموش اللي عليها يضلل ضلها

وعينها اليسرى تدمر شرايين الوريد=خلها تجني على القلب همي خلها

والحواجب ... سيف عنتر وسيف أبن الوليد=دايم سيوف المحبه عليّ أتسلها

ياوجودي ... وجد من شاف ربعه من بعيد=حان وقت عدام راسه وعينه ذلها

يعتزي ودموع عينه على خده تزيد=صرت أنا مثله وحالي وليفي سلها

كل يوم أكتب لها أشعار والمنهج جديد=وأعتزي يابحر الأشعار ... تكفا قلها

شوفها في وسط عيني ... يعادل يوم عيد=حبها بالقلب ... وعلومها ماملها

حبها ياناس بالقلب ماينقص / يزيد=مير خايف حالتي بالغلا تختلّها

لانخاني قمت له ... مثل عنتر للحديد=يوم عبله تعتزيبه ... وقومه علها

لجلها شال الثقيله وهرجي به وكيد= والحمل فوق الجمل والدروب يدلها

أقسمو بالله ... والله ... ذو العرش المجيد=أني أن حبيت حاجه ... أحب أحسنلها

ياهوى بالي ترى الشعر في حبك شهيد=خل عيني تهتني فيك ياخي خلها

والعذول اللي عذلني ... كلامه مايفيد=كاذب ونمام ... لاشاف كذبه هلها

مير أنا دايم لساني به العلم الأكيد=ماني مثل اللي دموعه بخده زلها

أبك أنا من روس ناسٍ ليا كادت تكيد=والطريق اذا أنقطع ... لي دروب أدلها

الليالي ميلتني على الدرب البعيد=وخاطري ساق الثمينه ولا ميل لها

ولارحم من لامني فيك يالظبي الفريد=ولارحم خلٍ مسيرة غرامه ملها

ولارحمت أرسل رساله لو أنها بالبريد=وكان عندك مسأله جاك منى حلها

التغلي مايفيدك ولا أنته مستفيد=المحبه دارسٍ دقها مع جلها

يعني لو تغيب عني ... ترى ماني وحيد=بس لو أغيب ... بعض الأمور تملها

جعل مايرثيك شعري ... ولا يطويك قيد=والورود اليانعه بالشفاة تبلها

وجعل حظك غير حظي ... ويزداد الرصيد=وكل حاجه ودك أبها تجيك بحلها

وجعل عمرك ياتلع الجيد ... بالدنيا مديد=وجعل ربي يرزقك ... بالعطايا كلها[/poem]

وسلامتكم

الغالي طلال بندر

صح الله لسانك

ولاهنت

وسلم فكرك وبنانك



لك تحياتي

ارحب يابن هاجد


اخوي مناور صح الله بدنك وماعليك زود


مرورك عذب

الرائع طلال بندر

تحيتي لك على هذا الابداع

صح لسااانك وقلبك

نص مميز

سعدت بمصافحته

دمت بود

هشام الداوود


صح الله بدنك


مرورك يسعدني


لاخلا ولا عدم ...

هلابك يا طلال

وصح الله السانك

مبارك الكريباني


ياهلابك


صح بدنك

مروركم يسعدني


لا خلا ولا عدم ...

الغالي طلال بندر

صح الله لسانك

ولاهنت

وسلم فكرك وبنانك



لك تحياتي

وجعل عمرك ياتلع الجيـد ... بالدنيـا مديـد
وجعـل ربـي يرزقـك ... بالعطايـا كلهـا




وعمرك طويل ياطلال

انا واقف اصفق لرائعتك


ولك

صح الله لساانك يالذيب

يعلم الله روعه وجميله ومن افضل ماصافحة خلال هذا اليوم






















سالم اليامي

خالد البحيري


ياهلا ومرحبا يابو وليد


صح بدنك


مرورك يسعدني ...

طلال بندر

صح الله لسانك

ولاهنت

وسلم فكرك وبنانك



لك تحياتي

ظبيالجنوب

سالم اليامي


ياهلابك


صح الله بدنك


مرورك يسعدني يالامير ....

ظبي الجنوب


ياهلا ومسهلا


صح بدنك اختي الكريمه


مرورك يسعدني ....

طلال بندر



الله الله

صـح لسـااااانـك

ولاهنت


تقبل مرووري

أ
خ
و
ك