مـــــري ابالي مثل ذكرى الطفــولـــــــه

[poem=font="Courier New,5,#650383,bold,normal" bkcolor="#F6F6D6" bkimage="" border="none,4,#400000" type=2 line=0 align=center use=ex num="0,#400000"]
مري أبالي مثل ذكرالطفوله=ياطهر أطيوف ٍ ترسم اقزاح والوان
وإلى وقفتي بالمشاعرخجوله=شوفي مكانك خالين مابه إنسان
سواك وارتاحي بعرضه وطوله=ياجابر ٍ كسرالخواطر والاوزان
بعطيك الي بالك تمنى ينوله=وأمسح بفرح اول لقاء كل الاحزان
والريح لا ياخذ من العطرتوله=خليه ينفح داخل اردون شفقان
انتي مكانك مابه إنسان حوله=له حيز ٍ فارق وله وسطي اوطان
وأنا الغريب الي بمفرد شموله=يصنع من الا شي ويكثف امزان
ويلطف اجوء ماكهل من نحوله=ويحوله لامال وبقدر الامكان
مايستطيع بكل شي وصوله=ويخفي الهفه ولو كان والهان
بالبور مانوخ عزايم ذلوله=يرحل مع اماله على طول الازمان
ماساوم ابقلبه رخيص العموله=ومهما قسى وقته على القلب مالان
واهوال وقته بالغدر ماتهوله=لنه على مله وتوحيد وإيمان
تستغفله ناس ٍبفكره جهوله=الي تبين مكرهم ضد الا حسان
أفضل أفكاري تصير معزوله=واشفر التفكير عن كل خوان
والي مغريشعب بهرجه رحوله=مترفعـ(ن) عن واحد ٍفيه نقصان
وإن رف معنى الحرف بالبال جوله=مااخطاء بعبروده على البعد نيشان
ويسرج على بيداء المعرفه خيوله=لين يتكثف من بحرحرفه امزان
رفيع ذوقـ(ن)يستلذ معسوله=ونوتت مفرداته لها عدت الحان
لاجت على المنكوس رجح ميوله=وإلى بغاء شعر الحدى طرقها زان
وماكل مايطري أباله يقوله=الا بعد تنقيح ملهم وطربان
وماكل كايد ينصول بالسهوله=تكفل تجاريب الزمن جهد الا نسان
ومابه سوى فكره وعقله يعوله=والا أقتبس من فكرت فلان وفلان
والا لبس هشة ٍركاكت سموله=صوان فكره يقدح البكربتقـا ن
مري على بالي لونك عجوله=ثم وقفي مابين شوفي والاجفان
وإن وقفت كل المشاعرذهوله=هدي ذعور الشوق قبل الذوابان
إنتي سحاب ٍلا غشاني هطوله=ينبت لك بصدري من الود بستان
ومثل أعتراءشهر ٍفضيل ٍحلوله=يجعل هدو البال يسرح أبنسيان
وينسى هموم الوقت لوكان حوله=كل الظروف القاسيه يروق نشوان[/poem]

الغالي خلف المهيلان

صح الله لسانك

ولاهنت

وسلم فكرك وبنانك


لك تحياتي

مرحبا ياخلف


مفتقد هالاسم من مده ولكن عسى المانع خير


لافض فوك

مناور ابوهاجد هلاوغلا فـــــــــيك لافقد غالي مـوجود
طال عمرك
ومستمتع بالنداوي وبقصائدكم الرائع

:
ماعليك زود وصح بدنك اخوي
عزيزووغالي

حسين هلابك موجود طال عمرك ماتفقد غالي عفو انا رديت على مناور
والي سألني انت ماعليك زود الغالي