Tweet
*** *** الطريــــــق *** ***
الطريق اللي يهز القلب طاريه ومجاله
....................اعشــقه واهـوى مراقيبه وذكراه وحنينه
اعشقه لوطال مشواري على درب ارتحاله
....................واعشقه لو ما يوصـلني بسـاتين ومـدينه
هو طريقي قبل اعرف الصعب واستسهل جداله
....................فيه تمشـي خـطوتي والوقت تـسرقني سنينه
هوطريقي وان بغيت اجفاه ماارضاني بداله
.....................وان بغيت انسى مداهيله طرى للقلب دينه
فيه الاغصان حملت بعض البراعم في جهاله
....................لليــان اللي كـسى غـابه وغـطاها بلينه
وفيه تشرق شمس حلم كنت في بارد ظلاله
....................ارسم امـالي وهـو في بالي جسـوره متينه
وفيه يجمعني بمن حولي مشاوير وزماله
....................استـوت وجهـاتنا والدرب الامثل سـالكينه
ايه انا بمشيه دام العمر يشربني زلاله
....................لازم اسـقي باقي اشجاري من انهاره وطينه
.وانت ياللي في هدبك نعاس وبحكمك مياله
....................وش عليك اليا بغيت تنام واسهرت المدينه
قلتلي لا يجرفك دربك تــرى فيه استحاله
....................وانت تدرك كـم سؤالٍ دار مابيـني وبينه؟
وقلتلي عطه الجواب وصد لا تسمع سؤاله
....................وانت تجهـل كثر عرفك فيه وشـجونك دفينه
وقلتلي:كم قلتلي؟من عاش وقته ما صفاله
....................وكنت اقول ان الامل باقي ولا قد فات حينه
ويوم اخذت من القلق ربحي عطيته راس ماله
....................ثم جـنيت ثمار مـشواري وفـكيت الرهينه
ماعرفت اطراف تفكيره ولادري وش طراله
....................لو ضحـكلي ضحكة الامواج لجروح السفينه؟
الطريق اشعل قناديله وانا للنور واله
....................جعلها تنور ثنايا الليل وتــصـحي جبينه
وفالزمان اللي مضى ذنبه وقلب العفو داله
....................الحــناجر لو تقول الـعذر نبرتها حزينه
[تم تعديل الموضوع من قبل متعب غازي بتاريخ 08-28-2001 الساعة 10:57 AM]
تعليق