خير الكلام

[align=center]بسم الله الرحمن الرحيم

السلام عليكم ورحمه الله وبركاته

اخواني واخواتي اعضاء وزوار منتديات النداوي اقدم اليكم هذه القصيده وارجو ان تنال اعجابكم[/align]


[poem=font="Simplified Arabic,6,#000000,normal,normal" bkcolor="" bkimage="" border="double,4,#400000" type=2 line=0 align=center use=ex num="0,#400000"]




خير الكـلام اولـه بسـم الله الرحمـن=نبـدا القصيـده وحاضرهـا بحاضرهـا
يا صاحبي رمينا دايـم علـى النيشـان=نرمي علـى الشـاره الدنيـا ونكسرهـا
السالفـه ماهـي بلاحـي ولا ليـحـان=السالفـه قـبـل اطوّلـهـا بقصّـرهـا
الطيـّب لزلتـه خلـك وسيـع بـطـان=تعـرف نوايـاه باطنـهـا وظاهـرهـا
طيب ويستاهـل المعـروف والعرفـان=وخطّيتـه قدمـهـا طيـبـن يعـذّرهـا
ماهوب حلو اللسان اللي قليـل احسـان=اللـي مايـازن علومـه قبـل يظهرهـا
يخطي على فلان ويلحق بالهروج فـلان=نفسه علـى الشـر مامـوره ويامرهـا
لازل ثبـت لزلاتـه رســن وعـنـان=قـدام لاهــو ولاغـيـره يكـررهـا
تعوّذالمـره الاولـى مـن الشيـطـان=والكلمـه الناقصـه محـدن يعبـرهـا
والثانيه مشّهـا لكـن تـرى مـن شـان=ناسـن تراعـي خواطرنـا خواطرها
والثالثه اقْـف والماقـف وراه حصـان=وقفت من يشقلب اولهـا علـى اخرهـا
الرجل لاصار من كـل الرجـال يهـان=النـاس عـن شوفتـه ترفـع نواظرهـا
اما ليا صار فالماقـف كفـو وحصـان=امشاهـده غايـتـن كـلـن يـدورهـا
والناس واجد وذا صاحـي وذا وجعـان=ولايعرف الناس غيـر اللـي يعاشرهـا
وانا اتخير من اللـول ومـن المرجـان=اشـوف لـمـع الثميـنـه واتخيـرهـا
اعرف من اللي مراجلهـم لهـا برهـان=يوم الرياجيـل تعـرف مـن مخابرهـا
واعرف من اللي يحسبون الوصل نقصان=ناسـن تفاكيرهـا تعـمـي بصيـرهـا
والخير موجود والدنيا فـرح واحـزان=ومـن يـزرع الطيبـه لابـد يثمـرهـا[/poem]

صح لسانك

يالشاعر/حمود الدهيمي

وجاد بنانك

أبدعت بما قدمت من جديد

تقبل أعجابي

المبدع دووما حمود الدهيمي


لافض فوووك على هذه القصيدة الراائعه التى تحمل في طيتها الشيئ الكثير ,فكفيت وفيت من اول الى اخر بيت ..

تقبل مرورى ..

صح لسانك يا حمود ...

قصيده جميله ونصائح ثمينه..

تقبل تحياتي..

وانا اتخير من اللـول ومـن المرجـان
اشـوف لـمـع الثميـنـه واتخيـرهـا
اعرف من اللي مراجلهـم لهـا برهـان
يوم الرياجيـل تعـرف مـن مخابرهـا


حمود

صح لسانك وصح قلبك

قصيده وافيه ومن راس وافي

لاهنت ولاهان هذا لحضور

تقبل تحيتي


مشهوووور...

الغالي حمود الدهيمي

صح الله لسانك
ولاهنت
وسلم فكرك وبنانك

لك تحياتي

صح لسانك يابو سعود

لاغبار على موهبتك الفذه

الشاعر/حمود الدهيمي

ارررررررررحب يالقرم

بيض الله وجهك على هذه الجزله


ابيات تربعت على عرش الجزاله


تقبل مروري يالقرم

والناس واجد وذا صاحـي وذا وجعـان
ولايعرف الناس غيـر اللـي يعاشرهـا
وانا اتخير من اللـول ومـن المرجـان
اشـوف لمـع الثميـنـه واتخيـرهـا
اعرف من اللي مراجلهـم لهـا برهـان
يوم الرياجيـل تعـرف مـن مخابرهـا
واعرف من اللي يحسبون الوصل نقصان
ناسـن تفاكيرهـا تعـمـي بصيـرهـا



صح لسانك ياابو سعود


شاعر اتوقع ان تكون في مقدّمة الصفوف ان شاء الله

اخوي سالم ابن همام

صح بدنك ولا هنت

تركي ابن خنيصر صح بدنك

والله لا يهينك

اخووي..حمود الدهيمي صح ألسانك أبيات رائعه من شاعر رائع ولك جزيل شكري واحترامي.....

اخوي جابر صح بدنك ولا هنت