محاولة شعرية قيلت في لحظة غائمة ولكم اعتذاري مقدما على سوداويتها ......
تدفّق ياغمام الحزن وامطر خافقي المنكوب ******** بقى شمعة فرح بالقلب لا تنسى تطفّيها
أقوله دامني شايف مسارك صار بالمقلوب ******** تدوّر للقلوب البايسة وتزيد مافيها
وصرت تعدّد افضالي وتحسبها عليّ ذنوب ******* وشفت اول علومك بس ما ادري ويش تاليها
واشوفك قاصد قلبي ما كن الناس معها قلوب ******** تهدم آمالي اللي راحت سنيني وانا ابنيها
شرقت بدنيتي واسنت عيوني ما لمحت غروب ******** وزادت حيرتي ماعاد لي حيلة أخفّيها
أنا صرت أتمتع لا اعترى وجه الزمان شحوب ******** ليا دارت رحى الأحزان واسودّت لياليها
غريب الطبع بس اني على هذا الطبع مغصوب ******** عشقت الهم والأحزان من كثرة ما أخاويها
ودام ان الله اللي قدّره واصبح عليّ مكتوب ******** فأنا مؤمن ولا يمكن تحركني عواتيها
وسلامتكم .
تعليق