Tweet
بسم الله الرحمن الرحيم
السلام عليكم ورحمة الله وبركاته
* ملاحظة أبن هداج هو أخي وصديقي الذي أتشرف بصداقته
وهو مطيران بن هداج الداموكي
السلام عليكم ورحمة الله وبركاته
مصافحة اولى واتمنى أن تحوز على رضاكم واستحسانكم
تدري وش اللي يذبحـــك يا أبن هداج * = لا صار لك في ناس نظــرة كبيره
تشوفــــــــهم وقت الرخا مثل الأمواج = اللي تلاطم بالبحـــــــــور الغزيره
وســـــط المجالس هرجهم فلة حجاج = وكلً يقيــــــــــــم لك غلاك بضميره
وكلً يقـــــــول العلم عندي والأنتاج = كنه وكيل النفـــــــــــــط ولا وزيره
وفجاءة حداك الوقت وأصبحــــت محتاج = وعرت لك الأيام خافي السريره
وتقلصت عن حاجتــــــك ذيك الأفواج = كلً قفل خطــــــــــــه وكبر سريره
يا هي مصيبـــــــه ما لها حل وعلاج = لا خاب ظنك لجل حاجــــــــه صغيره
في من تظنـــــــه ساعة الضيق مخراج = وتقـــــول هذا بندقي والذخيـــره
وتكشفن أوراقـــــــه اللي بالأدراج = وأمسيت بين أمرين حاجـــــة وحيره
مثل الذي لي صار مــــــع عاج بن عاج = وأنت تعـــرف مغزاي راع البريره
ولولاك أبث أسمــه على كل الأبراج = وأنشر علومــــــــه عند كل العشيره
لكني أخشى لا يجي شخصك أحراج = ومن شان أبو يحيى الطويله قصيره
لو هي مصيبـــــــه مالها حل وعلاج = لا خاب ظنك لجل حاجـــــــــه صغيـره
في من تظنــــــه ساعة الضيق مخراج = وتقـــــــــول هذا بندقي والذخيـره
* ملاحظة أبن هداج هو أخي وصديقي الذي أتشرف بصداقته
وهو مطيران بن هداج الداموكي
تعليق