رساله (من دوسري معرب عمامه خواله )

[poem=font="Simplified Arabic,6,#000000,bold,normal" bkcolor="" bkimage="" border="none,4,#400000" type=2 line=0 align=center use=ex num="0,#400000"]

قال الذي له بالشعر خيل و ركاب = دام الشعر يافلان مثل الرساله
بعطيك علم منه يحسب لك حساب = بين الرجال اهل الكرم والشكاله
وبالخير تذكر مع بعيدين و اقراب = وان غبت عنك الكل كرر سؤاله
اسمع كلامٍ ما قريته من كتاب = من تجربة دنيا سقتني الجزاله
كلام شاعر للطويلات طلاب = من الصغر والمرجله راس ماله
خذها من اللي يحترم كل الأنساب = من دوســـري معرب عمامه خواله
اهمها احفظ بالخفا رب الأرباب = يحفظك بالدنيا عزيز الجلاله
واد الفروض الخمسة اللي لك حجاب = عن فحشا عن منكر ودرب الرذاله
واحرص على مجالس هل الذكر الألباب = اللي يعدونك دروب الجهاله
مجالسٍ مافيها حاسد ومغتاب = ولافيها قال وقيل هرج الهزاله
فيها العلوم اللي لها تهدا الاعصاب = ذكر وسمان الهرج عز وجماله
واترك مكانٍ كل من جاله يعاب = من جاء الحثاله صار ضمن الحثاله
حافظ على الصورة تبصر بالأصحاب = طبع الخوي ذكرك يجي من خلاله
درب الردا ينبت له في يوم مخلاب = لسمعه يخدش خدش صعب الازاله
بعض الامور صغار توردك الانشاب = وتوصلك لامرٍ صعيب احتماله
كم ساهرٍ من نشبته خافقه ذاب = ولا اصبح من الهاجس يحاكي ظلاله
واغنم شبابك لا تقضيه عزاب = الله ما اسعد من يخاوي عياله
ياعون من جا له ضنى بعد ماشاب = لا ضعف ما يقلى ذراع ارتكا له
وعلى سياق النصح مجلس به اجناب = احذر تكون اول من أدلى مقاله
الذيب يجلد ماهو خايف ومرتاب = يدري السمينه ماتجي بالعجاله
وخذ هالمثل قيل العجل اصقه كلاب = لاجت تثاوب قام ينبح لحاله
وقد شبه المكثار بالليل حطاب = يخم زين وشين عزي لحاله
لصمت باب و للحكي عدت ابواب = وبيبان هجت ماتصك بسهاله
لذا اترك هروجن لها تجهل اسباب = لا ينشبك شخصٍ كثيرٍ جداله
بعض السوالف يمكن يقال كذاب = من هولها ويقال جت من خياله
ومن ينقل الخيمة بلا عمد واطناب = ينشب وتصبح زود حملٍ وعاله
لاهو استفاد ولاهو من حملها طاب = مثل اللي شاري علةٍ من حلاله
وخلك بشوشٍ سمح لا تكثر عتاب = وشفت الكريم الكل يعشق وصاله
ويافلان اذا تبغا لك اصحاب واحباب = طبق بيوتٍ جتك تحمل رساله[/poem]

صح لسانك يامشعل رائع وحكم
وانت مبدع وزميل من زمان اول حجزمع الاعجاب
والمتابعه
دم بودوغلا

صح لسانك يامشعل


قصيده مفيده


وكلام عاقل

مشعل

صح لسانك

تقديري

مشعل ارررررررررررررحب تراحيب المطر

صح الله لسانك وبيض الله وجهك ولاهيب غريبه عليك ياولد زايد


ارق التحايا

حياك اخي خلف

تسلم على الحضور المشرف

وانت اخ وعزيز

وكلماتك تدل على طيب اصلك وقلبك

تحيتي وتقديري

مشعل

ونعمممممممممممممممم

وكفووووووووووووووووو


صح لسااااانك

وصح كلك

تقبل مروري

مشعل


صح لسانك قصيدة وافيه تحمل الكثير من الصور والحكم

كتب الله لك الاجر رساله ساميه

تقبل مروري

أرحب يامشعل


أشهد إنك بدعت وأبدعت يالجزل


صح الله لسانك ودام وجودك



تحياتي لك

حياك اخي محمد الدهيمي


تسلم على الحضور الجميل


تحيتي وتقديري

مشعل الشايق صح صح صح لسانك

درر لله درك

ابدعت وامتعت

تحياتي لك ..

عسى الشاطري


صح بدنك


تحيتي